بعد الجدل الذي رافق إصابات تصوير إعلان "Free Fire" وهي لعبة أكشن ومحمد رمضان هو الوجه الإعلاني لها، كشف يوسف عمر لـ ET بالعربي تفاصيل القصة وإصابته أثناء التصوير قائلاً: "حد كلمني عن تصوير مع محمد رمضان ورحت عليه كان المفروض إعلان لعبة اسمها "Free Fire" هي لعبة زي "Pubgi" والمفروض أن التصوير كله أكشن وفرقعة ومتفجرات وحاجات كده، وعمري ما كان يجي ببالي أن يصل الموضوع للدرجاتي".
وتابع "المسؤول عن ده هو الأستاذ عصام الوريث يلي حط القنبلة التحتية وحتى ماقليش إنو ده ممكن يعرضني للخطر أو أي حاجة وحتى ما لبسنيش حاجة تحميني وأنا ما كنتش خايف لأنو عارف إنو نحنا منصور فأكيد عارف إنو مستحيل يحصلي حاجة زي دي".
تأخير الثانية هو من أنقذ حياتي
وأضاف يوسف عمر "أول ما قلي أكشن قلي انت المفروض تنط الى الوراء مع أكشن، هو قال أكشن وأنا يادوبك اتأخرت ثانية وتقريبا تأخير الثانية هذه هو الذي أنقذ حياتي وما متش، ولو كنت نطيت في نفس الوقت لكانت القنبلة انفجرت وكنت هموت، أنا ستر ربنا أنني تأخرت فقوة رفع القنبلة جات في رجلي من ورا، فالحمدالله ربنا سترها وكان بيني وما بين الموت ثانية بالضبط".
وأشار يوسف عمر إلى أنه وبعد انفجار القنبلة قعدت حوالي ربع ساعة مش سامع ولا شايف حاجة، ولغاية دلوقتي لديّ مشكلة في السمع وصداع نصفي ما بروحش"، موضحا أن "الانتاج وقف معاي وجبولي دكتور ونقلوني الى المسشتفى ورحت للدكتور وقلي عندي حروق من الدرجة الأولى والجروح بسبب اندفاع الهواء من القنبلة نفسها لانها كانت قربة واندفاع الهواء هو عمل الجروح دي وعمل ورم كبير قوي، وكان لدي التهاب في جدار الخصية، وقلي الدكتور الحمدالله أن القنبلة جات في رجلي، وقلي المفروض أسبوع أو 10 أيام محتاج للراحة عشان بعد كده تعود الأمور بشكل طبيعي".
عصام الوريث حملني مسؤولية ما حصل
ولفت يوسف عمر لـ ET بالعربي أن "ردّ فعل عصام ماكنش زي رد فعل واحد مش عارف عمل إيه وهو أول شخص أتى لي بعد الانفجار، وردة فعله لم تكن زي واحد متفاجىء مما حصل، وهو عارف تقريبًا عمل ايه، وقلي اسمي كذا وكذا وانا شغال في المجال ده من زمان وكان كلامو فيه تهديد بشكل غير مباشر ولم يعتذر مني حتى وقلي انت الغلطان ولم تنط في الوقت الصح وحملني المسؤولية كلها، فأنا قلت عالقللية قلي كده منصور حاجات خطر، قلي عمري ما توقعت انو ده يحصل وقلي انو ممكن انصاب أو يحصلي".
أشرف زكي معه لحظة بلحظة
يوسف عمر أكدّ لـ ET بالعربي أنه خرج من المستشفى يوم أمس وقال "الحمدالله الدكتور قلي بحاجة راحة والحمدالله عدت على خير وماشي على العلاج ده لغاية ما الأوضاع تتحسن بإذن الله"، مشيرا إلى أن "أشرف زكي منذ لحظة وقوع الحادثة وهو كان معاي لحظة بلحظة وهو من نقلني الى المستشفى، وأنا لسة لا أعرف ما هي الإجراءات القانونية ومستني ايه يلي حيحصل وطمن على نفسي وربنا يسهل".
واستنكر عدد من الممثلين ما حصل مع يوسف عمر ومنهم حنان شوقي التي كتبت عبر حسابها على "فيسبوك": " هي حياة الناس بقت رخيصه كده...يوسف عمر ابن المخرج محمد عمر وابن الفنانه لبنى ونس في سنه رابعه في معهد فنون مسرحيه وجاله إعلان مع الفنان نمبر وان محمد رمضان وحصل حادثه من المسؤول عن المتفجرات أستاذ عصام الوريث اللي جايبه المخرج اللي مش عارفه اسمه ايه كان جايب قنبله حقيقيه وحطه تحت الفنان الشاب يوسف عمر ولولا أن ربنا ستر كان عمره ضاع أو كان هيكمل حياته عاجز".
وتابعت "معقوله الاستهتار وصل لكده وأن حياة البشر مبقاش ليها قيمه...أنا اللي اعرفه ان المفروض يكون فيه متخصص ده اللي واخدين عليه في الشغل كممثلين.. أنا عايزه حق يوسف عمر....مين يجيب حقه".
