بطريقته الخاصة، اختار محمد إمام أن يعبّر عن حبّه لوالده الزعيم عادل إمام بمناسبة عيد ميلاده الـ85، فشارك صورة له على إنستغرام معلقا: "كل سنة وانت الزعيم، أنجح فنان في التاريخ، عيد ميلاد الزعيم عادل إمام".
وتفاعل عدد كبير من النجوم مع منشور محمد، حيث كتبت هند صبري: "زعيمنا"، وقال شيكو: "التوب، ربنا يخليهولكم ويخليهولنا".
بينما كتب أكرم حسني: "كل سنة والزعيم طيب وفي أحسن صحة"، أما رزان مغربي كتبت: "أكيد حبيب الكل، كل سنة والزعيم بخير وصحة".
كما احتفل رامي إمام، بنفس الصورة التي شاركها شقيقه محمد معلقا: "كل سنة و انت طيب .. كل سنة مننا قريب .. كل سنة و انت وسطينا و في حياتنا … ما اعظم كل هذا الحب".
وقام بمشاركة فيديو جمعه الفانز لوالده وهو برفقته ورفقة أشقائه وعدد من النجوم، وذلك عبر خاصية "الستوري" على حسابه الرسمي بموقع إنستقرام.
وقامت يسرا بتهنئة عادل إمام، حيث نشرت مجموعة صور جمعتهم سويا، وعلقت عليهم:"كل سنة وإنت طيب يا زعيم قلبي، كل سنة وإنت منور الدنيا بوجودك، وبضحكتك اللي ما بتتكررش، وبحب الناس ليك اللي مالهوش حدود، اشتغلت معاك كتير، وعشت معاك أكتر.. ضحكنا، بكينا، حلمنا، وكبرنا سوا في كل مشهد وكل لحظة.. ربنا يديك الصحة وراحة البال، وتفضل دايمًا الزعيم اللي بنحبه وبنفتخر بيه .. بنحبك أوي".
نجوم يهنؤون عادل إمام بعيد ميلاده الـ 85 عبر ET بالعربي
وحرص عدد من النجوم على تهنئة عادل إمام، من خلال تسجيلات صوتية لـ ETبالعربي، حيث قال أوس أوس: "كل سنة وأنت يازعيم ودائما معانا ربنا يحفظك ويبارك في عمرك، ويخليك لينا ودائما كده يارب زعيم الفن المصري في العالم كله، واحشتنا أوي أوي أوي".
ووجهت حورية فرغلي رسالة للزعيم في عيد ميلاده قائلة :"استاذي ومعلمي وفناني المفضل، أنا ولا حاجة جمبك وعمري في حياتي ما اشتغلت مع حضرتك، وكان نفسي لو أعمل مشهد صغير مع حضرتك، وعايز أقولك كل سنة وحضرتك طيب وعقبال مليون سنة وربنا يديك الصحة ويخليك لينا عشان انت البركة بتاعتنا".
وبدرية طلبة توجهت بمعايدته قائلة:"كل سنة وحضرتك طيب ربنا يديك الصحة وطولة العمر وتفضل منورنا وتفضل تاج على رأسنا على جميعنا، ويا أيقونة الفن في العالم كله".
يُذكر أن عادل إمام من مواليد 17 مايو 1940، ولا يزال حتى اليوم رمزًا فنيًا وجماهيريًا يحتل مكانة استثنائية في قلوب الجمهور العربي، رغم غيابه عن الفن منذ فترة.
