محمد شبانة، نجل شقيق عبد الحليم حافظ، كشف لـ ET بالعربي تفاصيل الجواب المنشور مؤخراً والمنسوب لسعاد حسني، الذي أعاد إثارة الجدل حول طبيعة العلاقة بين النجمتين و"العندليب".
وقال شبانة: "المهندس عبد الحليم حافظ الشناوي، وهو بيفتش في أوراق تخص جدي عبد الحليم حافظ، لقى الجواب ده، وقارن الخط المكتوب بيه بخط سعاد حسني، ولقاهم متطابقين ومضمون الجواب بيقول إن سعاد كانت بتعاتب عبد الحليم وبتقوله: (أنت كرهتني ومبقتش تحبني)، وده دليل واضح إنها مكنتش زواج".
وتابع: "الجواب ظهر دلوقتي لأننا لسه لقيناه، وعندنا كمان تسجيلات صوتية لعبد الحليم بيأكد فيها إنه ما اتجوزهاش، وبيوضح الأسباب، لكن الكلام ده عمرنا ما هنذيعه لأنه ممكن يجرح سعاد أو أسرتها، وإحنا بنحترمها وبنحب فنها".
شبانة قال أيضا: "للأسف، اللي بيهاجمونا دلوقتي هم أهل الفنانة سعاد حسني، وبيقولوا إننا بنسعى للشهرة، وده مش صحيح. أنا معروف من زمان، وعبد الحليم نفسه كان دايمًا يقول عليا 'ده ابن أخويا'، وكان بياخدني معاه لما يزور ناس أو يحضر حفلات".
وأضاف: "إحنا عمرنا ما أسأنا لسعاد حسني، لكن لما ناس تقول إنه كان فيه جواز، وإحنا عندنا ما يثبت العكس، لازم نوضح. العقد اللي ظهر مش منطقي، لأنه موقّع من يوسف وهبي ووجدان حكيم بالآلة الكاتبة! هل يعقل كده؟ وهل شيخ الأزهر ما يعرفش يكتب؟"
واختتم شبانة حديثه قائلًا: "أنا هفضل أدافع عن عبد الحليم حافظ طول عمري، واللي مش عاجبه الحقيقة يخبط دماغه في الحيطة".
