أثارت ميار الببلاوي الجدل عند حلولها ضيفة في برنامج "العرافة" الذي تقدّمه بسمة وهبة في بعض التصريحات التي قالتها وخاصة في قضية تعذيب الخادمتين.
وكشفت ميار تفاصيل أزمتها مع وفاء مكي على خلفية القضية التي تورطت بها، مؤكدة أن وفاء ليست بريئة. وقالت ميار الببلاوي : "أنا مكتمتش حاجة خالص ووقتها مكنتش كبيرة كفاية، وفيه فرق لأني مكنتش فاهمة ومكنتش ملك نفسي ولا كنت في مصر ومكنتش عارفة أوصل لها".
وتابعت : "واللي حصل إن أنا كنت بسرد موقف لشخص وكان عندي اعتقاد إن وفاء بريئة، وهي مش بريئة ولا ليها أي علاقة بالبراءة، وأنا معيطتش مع هند عاكف خالص، ووفاء مكي طلعت وبتستغيث إنها مش لاقية تأكّل ابنها وأنا دي زميلتي وقولت خلاص كفاية سيبوها في حالها".
تفاصيل واقعة الخادمتين
صرحت ميار الببلاوي أنَّ: "واحدة جاتلي وجابتلي شغالات وأنا كنت طلباهم وكنت مستعجلة ورايحة فرح بنت خالتي، وأنا كنت محتاجاهم جداً وقولت هاخدهم ولكن مطلعوش عندي وكل ده في مدخل العمارة وبشوف البنات لقيت واحدة فيهم نعسانة والتانية متضايقة، قولتلها إنتي جايباهم غصب عنهم ولا إيه؟ وقالتالي الاتنين بيشتغلوا مع بعض، والبنت كانت عايزة توريني إن شعرها محلوق، وقالتلي إن الأستاذة وفاء مكي قالت إن البنت عندها قُراع وحلقت لها شعرها، قولتلها عندها قُراع وجايباها لابني؟ روحي أنا مش عايزاهم، هو ده اللي حصل، إيه بقى براءة وفاء في حاجة زي كده؟".
شاهد تقرير سابق: بسمة وهبة تكشف عن ضيف الحلقة الأقوى في برنامج "العرافة" لهذا الموسم
وأضافت: "الطب الشرعي قال إن البنت مفيش عندها أي مرض جلدي، يعني التعذيب وقّع شعرها واتحلق لها واتحرقت في شعرها وده اللي أقرّه الطب الشرعي، وبعدين أنا محدش طلب شهادتي، ووفاء ساعتها كانت بتصور مع فنانين كبار في مسلسل وكلهم شهدوا ومحدش خد بكلامهم لأن الطب الشرعي كان واضح".
وأكدت ميار الببلاوي أن زوجها هو من بعث إليها برسالة التهديد حتى لا تذهب للشهادة في قضية وفاء مكي، وأنها كانت مجرد لعبة لعبها حرصاً منه على عدم دخولها في تلك المهاترات.
أزمة ميار الببلاوي مع إيناس الدغيدي
وعن أزمتها مع إيناس الدغيدي، بسبب مشاهدها في فيلم ديسكو ديسكو ، قالت ميار الببلاوي: "دعيت على إيناس الدغيدي في الحرم بسبب فيلم ديسكو ، أنا مكنتش عايزة أعمل المشاهد دي كلها في فيلم ديسكو، وأنا مكنتش عايزه ألبس مايوه وأنا اتحجبت ومكنتش عايزة حاجة زي كده تتعرض، وأنا متربية في بيت متديّن وكنا بنصور في رمضان وكنت صايمة".
وتابعت: "جيت أصور المشهد الجريء ده قولتلهم نصور بعد الفطار، قالولي لأ، وكنا بنصور في رمضان وأنا الوحيدة اللي صايمة في الشباب، لأن مكنش ينفع يصوموا كل المشاهد بيشربوا، ودي كانت رؤية الإخراج"، وأشارت إلى أنّها حاولت تعطيل تصوير المشهد ودخلت إلى الحمام، ما أثار عصبية إيناس الدغيدي، موضحة أنها كانت تبكي بشدة.
وأوضحت أن الفنانة نجلاء فتحي أقنعتها بتصوير المشهد، وقالت لها نجلاء أنَّ رمضان فقط للفقراء، بمعنى أننا لا نأكل فيه فقط من أجل الفقراء.
