يصادف اليوم الذكرى السنوية الأولى على كارثة إنفجار مرفأ بيروت (4أغسطس/آب) وفي هذه المناسبة الحزينة حرص عدد كبير من نجوم لبنان على التضامن مع أهل الضحايا والتعبير عن غضبهم بسبب عدم وصول التحقيقات إلى أي نتيجة تذكر حتى الأن.
وكان من الملفت الرسالة التي توجهت بها نانسي عجرم من خلال أكثر من تغريدة على صفحتها الخاصة في توتير،فكتبت " من سنة، انفتح جرح بعمره ما رح يتسكر و كل يوم بيكبر أكتر. من سنة، و الحزن مخبّى بشوارع أجمل بلد و أحلى مدينة بالعالم و عم يرفض يفارقن" .
وأكملت "بالمقابل، من سنة لهلق شغلة وحدة ما عملتوا ولا حتى غيّرتوا. من سنة لهلق منطق المواربة والإفلات من العقاب عم تنتهجوا"
لتنهي الرسالة بعبارة صارمة قالت فيها "بس اللي لازم تعرفوه إنو من سنة، و لهلق، و لآخر ثانية بحياة كل واحد منا، رح نطالب بالحقيقة و بالحساب. كرامة دمعة كل إم و حسرة كل بي ووجع كل إخت و خي وحبيب".
