حالة من القلق تسبب بها نديم الشاعري ابن حميد الشاعري لمحبي وأصدقاء والده بعدما نشر صورة تجمعم وكتب على الفيسبوك: "ربنا يقومك بالسلامة يا كابو الجيل".
ليتبين لاحقاً أن حميد الشاعري يعاني من "دور برد" وقام على إثرها بإجراء فحوصات كورونا لتأتي النتيجة سلبية كما كشفت بعض المصادر.
وكان نديم الشاعري قبل الإعلان عن مرض والده يهاجم حلمي بكر لإنتقاده الدائم لوالده.
وكتب في رسالة على الفيسبوك: "استاذ حلمى لو محتاج مساعدة ماديا او نفسيا الكابو مش حيتاخر عليك ، لكن ما ينفعش كل ما تتزنق تروح برنامج تجيب سيرة حميد الشاعرى الى للاسف تاريخك ميجيش تمن تاريخه ولا فنيا ولا اخلاقيا للاسف. ٣٠ سنة من عمرى ما بيعملش حاجة فى حياته غير التقليل من الناس و من الفنانين و من اعمالهم".
وأضاف نديم: "اوعى حضرتك تفتكر انك محطوط فى خانة الانسان المحنك، لا للاسف انت عبرا لكل نفسية فاسدة منتهية الصلاحية فنيا و اخلاقيا. فرق التربية كبير اوى بينك و بين الكابو حتى فى الفكر الموسيقى و المعاملة مع الناس. الكابو كبير مقامة و مش بيرد عليك عشان هو اكبر من كده و اكبر منك بالذات و دايما بيقولى ما تردش على حد. لكن ولاده كبرو و مش حيسمحو انك تقطع فى ابوهم".
وتابع بتعليق: "هو حضرتك بجد فاكر ان حميد هو البوظ المزيكا فى مصر؟!؟!؟. المقسوم الى حضرتك بتتكلم عليه هو الواكل بقاله ٣٠ سنة مع كل الفنانين و هو سر الاستمرارية و النجاح ، مفيش البوم بينزل غير و مقسوم الكابو رانن فى الودن".
ليكمل : "لما مذيع صابغ شعره ابيض و فى اللفة يسئلك سؤال زى ده ، المفروض ردك يبقى تربوى قبل الفنى انه ازاى يسئل السؤال بالطريقة دى لكن حضرتك كنت حتطير من الفرحة عشان السؤال فى تقليل للكابو".
وأنهى نديم رسالته معلقًا : "حاول يا استاذ حلمى تكسب الناس عشان الدنيا فانية. متبقاش خسران السيرة الطيبة و كمان الناس".
