في اليوم الثاني من أنشطتها، تواصل قمة الإعلام العربي 2025 أعمالها وسط حضور عدد كبير من النجوم وصناع الدراما، إضافة إلى مسؤولي المؤسسات الإعلامية العربية والعالمية، مع نخبة من المفكرين والكتّاب والمبدعين، وذلك ضمن أجندة حافلة تسلط الضوء على أبرز القضايا الإعلامية الراهنة.
وشهد اليوم الثاني المعني بـ"منتدى الإعلام العربي"، تنظيم حوالي 50 فعالية متنوعة، شملت أكثر من 31 جلسة نقاشية ودردشات إعلامية تتناول موضوعات جوهرية حول مستقبل الإعلام في المنطقة والعالم.
نيشان يعلّق على أزمته مع ياسمين عز: "صفحتي بيضاء منذ 28 عاماً"
في لقاء خاص مع ET بالعربي، أعرب نيشان عن سعادته بحضور الدورة 23 من قمة الإعلام العربي، وقال عنها : "هيدي القمة جامعة لكل العالم العربي، بتشعر بأنه مش بس تبادل خبرات، بتجي هون بتعمل (ريستارت) لشخصيتك الاعلامية، بتلتقي بكثير كفاءات ومهارات وأسماء وأساتذة و إعلاميين".
أضاف : "أنا إبن هالمؤسسة لأنه صارلي تقريباً 20 سنة بحضر هذه الندوة، سعيد كثير إنه هالسنة كمان أسندوا لي مهام الجلسة الرئيسية بالفن، مبسوط بـ أحمد السقا، بـ جورج خباز إبن بلدي، ومبسوط كثير بهدى حسين، ورح نحكي عن تأثير الدراما من الترفيه إلى التأثير".
وعن أزمته مع ياسمين عز في العام الماضي، قال نيشان : "صفحتي دائماً بيضاء في الإعلام، أنا صارلي 28 سنة بشتغل بالإعلام، فخور جداً بكل صفحات حياتي المهنية، ولا تشوبها أي شائبه، أنا انسان جدّي، بعد 28 سنة ما زلت أتعلم، فضلاً عن انه أُدرّس في الجامعات مادة مهارات الإتصال والتواصل وتحضير كوادر إعلامية، أنا انسان مني جاي على نزهة في هذه الحياة، إنت بتعرف كثير منيح إنه أنا عندي إحترام كثير كبير لشغلي ولمهنتي ودائماً أصبوا إلى إنه اللمعان يكون هدفي وأنا بطمنك إنه هو هدفي".
نيشان بعد جدل معايدة وائل كفوري: "هو عملّي إعجاب على التغريدة"
وعن الهدية التي تلقاها منذ أيام من وائل كفوري بمناسبة حلول عيد ميلاده، قال : "أهداني وائل وشانا باقة أوركيد، فأنا مثل ما تلقّيت الكرت حطّيتو على السوشيال ميديا، وكلهم قالوا نيشان عم بأكد خبر زواج وائل من شانا".
تابع : "أنا أتمنى لوائل سواءً تزوج او لأ سواء أو كان على علاقة أو لأ، هيدا صديق وخيّ أنا فخور فيه كثير، هو سفير الأغنية اللبنانية، أنا بفخر فيه لبناني بيمثل لبنان على المنابر وين ما يروح".
ثم أضاف : "أنا بنبسط له إذا تزوج، بنبسط له اذا زوجته (فيما لو) كانت حامل، كفوري أنا أحبك، نهار عيدي عمل لي ياه عيدين، أول شيء حديقة الأوركدز، ثاني شيء هالكارت يلي وصلني، بس يلي أكتر شي انبسطت فيه إنه هو دخل على تويتر وعمل إعجاب على التغريدة، بعدها انا تواصلت مع شانا وشكرتها".
تابع : "بدي قول إنه أنا بحبه كثير للكفوري، إذا بده يحكي هو بيحكي، أنا ما أكدت شي ولم أؤكد".
