"ممكن أتجوز واحد مختلف عن ديانتي، لأني بطبعي ست متفتحة" هذا ما قالته هيدي كرم خلال حديث مع متابعهيا على انستقرام، مشيرة إلى أنها "منفتحة على الآخر والثقافات المختلفة والديانات المختلفة، ودي طبيعي وشخصيتي اللي بفخر بيها".
مش هتجوز واحد أصغر مني بكتير
وعن الزواج قالت "الجواز نصيب فإما يأتي الشخص المناسب والوقت المناسب، ومش هتجوز واحد أصغر مني بكتير، لأني ديما عندي تخوف من الموضوع ده، بخاف إتي شكلي يبقى كبير عنه وشي يكرمش قبله، عينه تزوغ على واحدة تانية، فالفكرة دي مرفوضة بالنسبالي".
أدوية الاكتئاب زيها زي أدوية دور البرد
وردًا على سؤال، إن كانت تتناول أدوية اكتئاب حالياً، قالت "مش باخد أدوية اكتئاب حاليا بس كنت باخدها في مراحل من حياتي ومش شايفة أنه عيب إننا ندور على حاجة تساعدنا"، مضيفة "أدوية الاكتئاب زيها زي أدوية دور البرد بلاش تقاوحوا ودوروا على حاجة تساعدكم تخرجوا من المرحلة دي عشان صعبة".
يذكر أن آخر أعمال هيدي مسلسل "الاختيار 3"، الذي عرض ضمن رمضان الماضي ، بطولة كريم عبدالعزيز، أحمد السقا، أحمد عز.
