مازال الجزء الأول من حلقة ياسمين عبد العزيز مع منى الشاذلي متصدر حديث الناس و الصحافة.
ومن ضمن هذا، كانت الرسالة التي شاركها شقيق ياسمين وائل عبد العزيز عبر الفيسبوك ليقوم بحذفها لاحقاً والتي تضمنت تجاهل شقيقته ذكر اسمه في الحلقة .
وفي التفاصيل، نشر وائل عبدالعزيز صورة جمعته بشقيقه الأكبر أثناء تواجدهم في المستشفى معلقًا : "قعدة المستشفى شهر كامل مش مهم انا اصلا مش مهم المهم ان انتي قومتي بالسلامة واطمن عليكي".
وعلى مايبدو حذف البوست بعد الجدل، وهجوم البعض في التعليقات ، ليعود ويشارك رسالة توضيحية قال فيها : "انا مش مستني اسمي يذكر في شيء فعلا وانا طول عمري بعمل واجبي كآخ والا مستني تقدير لان ده الطبيعي تجاه عيلتي ومفيش حاجه بيني وبين ياسمين احنا زاي الفل ..
وتابع " ١٧ سنه بشتغل وعمري ما ذكرت أو اتكلمت علي صله القرابه بينا الا مؤخرا بعد نجاح مسلسل ليا في ٢٠١٧ وهي الي نزلت بوست باركتلي فيه .. غير كده انا مبسوط بشفاها جدا وكنت طاير من الفرحه وضحكتها عندي بالدنيا .. ارجوا من الناس عدم اثاره الفتن وسيبوها تفرح برجوعها لجمهورها وانا اركز في شغلي لاني اهملت في حق نفسي".
كما شكر وائل طبيب ياسمين عبد العزيز وأحمد العوضي قائلاً: "اتنين لازم واجب الشكر بعد ربنا دكتور عصام شلبايه انا شوفت الدمعه في عينه وخوفه عليها وقالي بالحرف انا مش هسيبها دي بنتي والعوضي قدامي مسبهاش دقيقه وكان بينام علي الكنبه أو الكرسي الي جنبها حمدالله علي السلامه ونقفل صفحه المرض واي صفحات سلبيه ويلا عيشي انبسطي واشتغلي وكسري الدنيا".
وللمرة الأولى ظهرت ياسمين عبد العزيز في لقاء تلفزيوني مع منى الشاذلي مساء الأربعاء ، لتتحدث فيه عن تفاصيل ما حدث معها، لتلقى تفاعلًا كبيرًا من المتابعين خاصة بعد تعليقها على يوم عرفة " أول مرة أحس الإحساس ده إنى خلاص هموت، وخسيت 15 كيلو، كله بيدخل يعيط ويقول لى خلاص هتسبينا، لغاية يوم عرفة الناس كلها دعيت لى وربنا استجاب، وبعد يوم عرفة بقيت إنسانة تانية.. طلعت من العناية ودخلت غرفة عادية، وردت فيا الروح.. أنا واحدة كنت بموت وربنا رد فيا الروح".
