في أحدث فيديو لهما على يوتيوب منذ الأزمة الأخيرة، أعلن الثنائي أحمد حسن وزوجته زينب عن مجموعة من القرارات الجديدة التي إتخذاها، وذلك بعد أيام من إخلاء سبيلهما مقابل ضمان مالي قدرره 40 ألف جنيه في تهمتي إستغلال طفلتهم وتعريضها للخطر.
ظهرت زينب في الفيديو الجديد وهي ترتدي الحجاب، وهنّأها أحمد على القرار "زينب خلاص لبست الحجاب رسميا، فأنا أوّل واحد حابب أقولها مبروك، وإنشالله ربي يثبتك على الحجاب".
وأكدت زينب أن الفكرة كانت تراودها منذ فترة "من رمضان اللي فات وأنا كنت عايزة ألبس الطرحة، والحمدلله أخذت القرار ومبسوطة جدا، حاسة إنه ضميري مرتاح" وتابعت "مبسوطة بالقرار ده ومش ناوية أخلعه تاني".
وأعرب الثنائي عن رغبتهما في بناء صورة جديدة وأن يكونا قدوة حسنة للمتابعين "فيه ناس كتير بتاخذنا قدوة في حاجات كتير ممكن مش مهمة، فزي مابتاخذونا قدوة في مواضيع مش مهمة، خذونا فدوة في مواضيع مهمة".
ويبدو أن الأزمة التي مرّ بها الثنائي بعد الفيديو الشهير قد أثّرت على العديد من قراراتهما المستقبلية، ومن بينها نوعية المحتوى الذي يقدمانه فقال: "الفترة الجاية حتشوفوا أحمد وزينب ناس تانية خالص، غير اللي إنتم كنتم تشوفهوم قبل كده"، وتابع "الفترة الجاية حنحاول نبسطكم، حنحاول نسعدكم، حنحاول نقدملكم حاجة تفيدكم، بس في نفس الوقت طبعا حنحاول نقدملكم حاجة ترفيهية تنبسطوا بيها، وحاجات حتحبوها".
أما من أبرز القرارات التي إتخذها الثنائي، فهي عدم ظهور إبنتهما "أيلين" معهما مرة أخرى على السوشيال ميديا "أيلين مش حتظهر في الفترة الجاية في الفيديوهات خالص، لا فيديوهات ولا ستوري ولا أي حاجة خالص،...وبعتذر لكن الموضوع مش بإيدينا، عشان محدش يسأل عن ده تاني الفترة الجاية".
ودعا أحمد وزينب المتابعين في نهاية الفيديو لفتح صفحة جديدة "يمكن إحنا غلطنا قبل كده، بس والله ماكانت مقصودة أي غلطة إحنا عملناها قبل كده، فتعالوا نفتح صفحة جديدة مع بعض.. إحنا عايزين نفتح معاكم صفحة جديدة، إنسوا أي حاجة فاتت إنسوا أي حاجة حصلت مننا قبل كده".
