كشفت نشوى مصطفى عن تعرض ابنتها للتحرش من قبل عدد من الأشخاص في شاحنة حاولوا عرقلة سيرها والتعرض لها خلال قيادتها سيارتها على الكوبري.
وشاركت نشوى صورة الشاحنة التي كانت تلاحق ابنتها على صفحتها على فيسبوك، وكتبت "النهاردة بنتي اتعرضت للتحرش من العربية دي وفضل يزنقوا عليها واترهبت وهي سايقة على كوبري ناحية الهرم المنصورية وكلمتني وهي مفزوعة قلت لها حاولي تصوريهم وعملوا لها إشارات سافلة زي ما هو في الصورة كده". وتابعت: "الحمدالله ربنا ستر وبنتي موقعتش من على الكوبري وهي مرعوبة من حجم العربية اللوري اللي بترهبها، حسبي الله ونعم الوكيل".
ويبدو أن نشوى تلقت العديد من الاتصالات بعد الحادثة، فذهبت إلى فيسبوك مجدداً وشكرت كل من وقف إلى جانبها: "شكراً لكل الأصدقاء المحترمين اللي اتواصلوا معايا وساعدوني واللي أزعجتهم بالبوست اللي فات بس الحمدالله فيه إجراءات دلوقتي بتتاخد وبإذن الله ربنا يحافظ عليكم وعلى ولادكم".
ثم أعلنت لاحقاً وبعد أن تم إلقاء القبض على الشبان الذين تعرضوا لابنتها بأنها تنازلت عن القضية وذلك حرصاً على أمهات المتهمين وأسرهم، وكتبت: "يوم طويل، في نهاية اليوم أحب أقدم كل الشكر والامتنان لمعالي النائب العام وللفاضل الأستاذ رئيس نيابة الهرم وللفاضل وكيل نيابة الهرم.. بلدنا عظيمة بشرفائها وشكراً جزيلاً وزارة الداخلية واحنا مسنودين عليكم والله كتر ألف خيركم".
ثم تابعت في البوست: "بسبب العظمة اللي الطرق بقت عليها الحمد لله تم القبض على العربية باللي كانوا فيها في أقل من أربع ساعات، للآسف كلهم سنهم صغير، الهدف اتحقق انهم هما وغيرهم عرفوا إن مصر اختلفت وكله متسجل وان عندنا عنين صاحية بتحمينا ومحدش فوق القانون".
وأضافت: "يمكن اخر سطر ده يزعل بعض الناس اللي طلبوا مني اني استمر في القضية، بس حرصاً على أمهات وأسر المتهمين وانهيارهم بأن ولادهم يتسجنوا، أنا وابتغاء مرضاة الله تنازلت عن القضية عملاً بمبدأ العفو عند المقدرة.. اللي طلبتوا من اهاليهم وهما بيعتذروا لبنتي انهم يربوا عيالهم ويفهموهم معنى الرجولة، وإن اقل عقوبة للمتحرش باللفظ أو الاشارات الخادشة للحياء هي خمس سنوات طبقاً لقانون التحرش اللي أمر بتعديله سيادة الرئيس حفاظاً على حق بناتنا، حاجة تانية مهمة مكنتش اعرفها أنا بالمناسبة معملتش محضر، أنا بس كتبت بوست هنا واللي اتحرك بالنيابة عنى كمواطنة مصرية ادارة الرصد والبيان والتوجيه بمكتب النائب العام، ودى ادارة موجودة مخصوص لمتابعة السوشيال ميديا وبيهتموا بأي مشكلة يكتبها اي مواطن وليهم أرقام تليفون نقدر نتواصل معاهم وهما اللي بيقوموا بإخطار النيابات المختصة نيابة عن أي مواطن تعرض لمشكلة"، وختمت: "على فكرة انا اتنازلت عن الجزء اللي يخصنا لكن حق الدولة مش من حقي اتنازل عنه وهما عندهم مخالفات كتير.. تحيا مصر من كل قلبي".
وعلق أحد المتابعين وانتقد تنازل نشوى عن القضية، وكتب: "أنا مختلف معاكي تماماً بشأن تنازلك عن حق بنتك ولو كل واحد وواحدة تعرض لموقف زي ده أو مشابه وتنازل يبقى مفيش حساب ولا عقاب..".
ثم ردت نشوى على تعليقه وكتبت: "ما أظنش بعد ما باتو يوم في الحبس وبعد ما اتجابو في أقل من أربع ساعات انهم حيكررو ده تاني أبداً".
