بسب غيابه عن المشاركة بأي أعمال في الموسم الرمضاني 2022 قرّر كريم الحسيني أن يحول سيارته لعمل المشروبات الساخنة في الطريق.
وفي التفاصيل، شارك كريم فيديو على فيسبوك يظهر من خلاله عمله الجديد خلال قيامه بتحضير المشروبات الساخنة، معلقًا بآخر الفيديو "لأنه مش شغال برمضان فقررنا نفتح المشروع العسل".
دعم النجوم لكريم
الجمهور وعدد من النجوم قاموا بدعم مشروع كريم الجديد أبرزهم نشوى مصطفى التي كتبت على فيسبوك "ده الزميل المحترم الفنان المبدع من وهو طفل، ومين ينسى دوره في فيلم الجراج كان عامل دور الطفل المصاب بشلل الأطفال واللي بيساعد أمه في المصاريف".
تابعت "المحترم ده الراجل الجدع الفنان الكبير بيشتغل على عربية قهوة المحترم ده درس 4 سنين تمثيل في المعهد العالي للفنون المسرحية، مش عيب ده منتهى الرجولة، بس أنا أعرف إحساس الفنان اللي بحق وحقيقي لما موهبته تتعطل ومايلاقيش فرصة فيها عدالة".
وأضافت "أرجل الناس يا كريم والله، ربنا مايحوجك أبداً وربنا يرزقك الفرصة اللي تستاهلها موهبتك فى الفن".
بالاضافة إلى نشوى قامت شيري عادل بدعم كريم من خلال مشاركة منشوره عبر ستوري حسابها بإنستغرام.
يذكر أن كريم بدأ التمثيل منذ الصغر في عدد من الأفلام السينمائية منها (المولد) و (اللعب مع الكبار) و (شمس الزناتي) مع عادل إمام والجراج مع نجلاء فتحي وفاروق الفيشاوي و(معالي الوزير) مع أحمد زكي.
وقام كريم بمشاركة صورة منذ أيام من صورة له وهو طفل من فيلم (شمس الزناتي) معلقًا " عم طفشان عم طفشان .. ارجع ياعبد الله النهارده الجمعه قافلين .. ده أنا اشتمت كمية شتايم ع الدور ده ..!!
كما شارك كريم في عشرات المسلسلات كان آخرها "اللي مالوش كبير" مع ياسمين عبد العزيز وأحمد العوضي وغيرهم.
