انتهت المباراة المنتظرة بتتويج ريال مدريد باللقب دوري أبطال أوروبا على حساب ليفربول بعد فوز الريال بهدف واحد مقابل لا شيء.
وبالرغم من تألق محمد صلاح في المباراة وقربه من إحراز الأهداف، إلا أن تيبو كورتوا حارس مرمى ريال مدريد أبدع بتصديه كل الكرات ليتصدر من بعدها حديث العالم والصحافة الآن.
وبمجرد انتهاء المباراة ، تفاعل النجوم عبر تويتر ومن بينهم حسن الرداد الذي كتب : "لو مافيش سوء حظ كان ريال مدريد شال خمسة".
بينما علّق مصطفى الآغا: "ألف مبروك لريال مدريد وعشاقه اللقب رقم 14 في #دوري_أبطال_أوروبا وحظاً اوفر لعشاق #ليفربول".
وكتب أمير طعيمة: "كورتوا (١) - ليفربول (٠). أما هنيدي فكتب: "كورتوا عامل سحر ومسخر جني احمر من قاع الجحيم عشان يصد كل الكور دي"، وعاد وغرّد بـ: "مبرووك للملكي ... دوري ريال مدريد .. بيلعب وحش لو حلو فمفيش شك ان ده دوري ريال مدريد .. ولن يكسر اي فريق رقمه خلال ال ١٠٠ سنة الجاية هاردلك لليفربول".
وعاد محمد هنيدي بمشاركة رسالة مطولة يدعم فيها محمد صلاح عبر الفيسبوك قائلاً : "عارف لما بتبقى بتلعب بلاعب في البلاي ستشين وفجأة تلاقيك بتنافسه او اللاعب بعد ما اعتزل بيحلل اداءك في التلفزيون وبيوصفك بالافضل في منطقتك في العالم.. عشان كدة بقى عايز أقول حاجة ... بقالي فترة بشوف "بعض" الشباب اللي بيحاول يسخر او يقلل من صلاح ... يمكن يكونوا مابيحبوش صلاح او بيشجعوا فرق منافسه ...من حقك ماتحبش صلاح وحقك تحب فريق منافس وتشجعه .. بس الفكرة ليه تقلل او تكره واحد قدر يعمل اللي ملايين كانوا بيشوفوه مستحيل؟ .. صلاح اللي كان بيسافر بالقطار كل يوم وينام في النادي ع الأرض وبدون واسطة قدر يصنع نفسه من الصفر ... لغاية لما وصل انه بقى ينافس على الأفضل في العالم ... صلاح زينا وشبهنا .. ماتولدش في بقه معلقه دهب .. قدر يكون مثال لأي واحد بيتعب وشايف انه حلمه وهدفه مستحيل يتحقق ... صلاح مثال لأي شخص مجتهد وبيمر بظروف صعبة وحياة صعبة ... مثال انك تقدر مش بس تكون الأفضل في بلدك".
وأضاف هنيدي : "تكون الأفضل في العالم .. الفكرة مش في الشخص .. الفكرة في الفكرة نفسها ... ان يكون عندنا شخص واشخاص طبعا في مجالات كتير تانيه زيه... قدروا يحققوا اللي انت واحنا كنا شايفينه مستحيل .. فالحب والتقدير لصلاح.. مش حب لشخص ..حب لفكرة ونجاح وهاردلك لصلاح".
