"خلت الرجالة اتمردت علي ستاتها.. ورونالدو مين اللي بيتفرج عليكي.. ده رضا عبد العال نفسه ميعرفكيش، صاحبة الصوت الشتوي واللبس الصيفي"، بهذه الجمل قدم رامز جلال ياسمين عز ببرنامج "رامز نيفر إند" المعروض ضمن برامج رمضان 2023.
وعندما وصلت ياسمين عز صعدت إلى المطعم الطائر، وعندما صعدت على الونش قال رامز جلال: "الصوت الصيفي طلع أهو"، وبعدها رفضت ياسمين تناول السوشي، وبعدها بدأ المطعم في الاهتزاز وبدأت ياسمين تصرخ وتقول : "نزلوني".
وكشف رامز عن هويته وبعد ذلك وردت على سؤال انتي مجنونة قالت: "أنا عاقلة وست الكل". وبعدها رامز جلال هددها بالثعبان وطلب منها الغناء بالصوت الصيفي، وبعدها قالت ياسمين: "نفسي الستات تفرح علشان تقوم تعمل لجوزها الفرعون كوباية الشاى".
وتفاعل عدد كبير من الجمهور بالتفاعل مع الحلقة فكتب أحد المتابعين: " كنت عذبها اكتر يا رامز دى حلال فيها أي حاجة"، وكتب أخر: "رامز الي عرف كيف يبرد قلوبنا"، وأخر كتب: "حمدلله ع السلامه الصوت الصيفي وصل".
ياسمين عز كانت مازحت جمهورها قبل ساعات من عرض الحلقة، حيث وجهت رسالة للسيدات المتابعات لها، قائلة عبر صفحتها على "فيسبوك": "يا مدام أنا وعدتك أنك هتشوفيني في رمضان ووفيت بوعدي.. أرجوكي بعد ما تخلصي شماتة.. زي مانا فرحتك.. تقومي تفرحي فرعونك بكوباية شاي وطبق قطايف بالمكسرات وماتحطيش سكر علشان منبع السكر قاعد جنبك.. مشاهدة ممتعة يا مدام".
