أكثر من بث مباشر لها على فيسبوك وحوالي 3 فيديوهات على انستقرام من ريهام سعيد ردًا على الجدل الدائر حول أزمتها مع طبيب التجميل نادر صعب بعد اتهامها له بتشويه وجهها.
وبعد الردّ و الأخذ يوم أمس بينهما، وردّ نادر عبر ET بالعربي بمقاضاتها لتشويه سمعته وبعد ما أعلنه في بيان له عبر انستقرام أن العملية أجريت منذ مارس الماضي وليس الآن، وربما ريهام استخدمت بعض أنواع الكريمات على وجهها ,اضرّت ببشرتها، أطلت ريهام بعدها في سلسلة فيديوهات عبر انستقرام توعدت بأن يكون الأخير منها آخر فيديو لها وبأنها لن تردّ بعد الآن.
ريهام سعيد: يعني غير الجريمة الطبية دي جريمة أخلاقية
وحمل الفيديو الأخير لها عنوان "يعني غير الجريمة الطبية دي جريمة أخلاقية" مفوضة أمرها لله وبأنها لن تلجأ الى القضاء لأن هدفها ليس الحصول على المال، بل كا ما تريده هو العلاج ومطالبة أصدقائها ومن يعرفوها بعدم إرسال أي حاجة لها كي لا تنجر إلى الردّ على الطبيب".
واستغربت قيام نادر بتسريب مقطع صوتي لها تقول فيه بأنها ستدعمه وتقيم له بروباغندا، متسائلة "ايه المشكلة ان انا اقول كدة؟ زي ما بطلع اشكر دكاترة كثير أنا عملتله وثائقي، ولو العملية نجحت كنت برضه حتشكره ولكن يقوم بتسريب صوت وفيديوهات لي من هاتفه هذا لو عندنا في مصر انه حد يسرب صوت دي جريمة يعاقب عليها القانون فانت طلعت وعملت كده، وأنا عندي مليون فويس ليك أوحش من بعض وفيه الفاظ سيئة بس ما عملش كده عارف ليش؟ لأني انا ست محترمة وما تقوم به يقلل من قيمتك".
ريهام سعيد: "أنا تركت أمري لله"
تابعت "مش هتكلم حاجة بعد كده مطلع فويس قبل العملية بشهرين هي الناس هبلة ؟ الناس مش هبلة ايه يلي بتعمله ده؟ وبدل ما ترحمها وتتشوف حل تستمر بالمواجهة وتهدد بالقضاء"، مضيفة "أنا تركت أمري لله وهو اقوى من أي حاجة في الدنيا وحتشوف".
قبل عملية شد الوجه
وقام نادر بنشر فيديو لريهام عبر انستقرام قبل قيامها بعملية شد الوجه، معلقا "عملية شد الوجه في مستشفى الدكتور نادر صعب في بيروت قبل وبعد"، وقام باستعراض صور و فيديوهات لها خلال تواجدها بالعيادة لديه في بيروت وكيف كان وجهها قبل العملية وكيف أصبح فيما بعد لاسيما عندما كانت تطلّ ضمن برنامجها التلفزيوني.
وبالرغم من قولها بأنها لن تلجأ الى القضاء وتقضي 6 سنوات في المحاكم كانت قد قالت في فيديو سابق لها "العملية فشلت وحدثت مضاعفات وتشوهات في وجهها بسبب الطبيب المعالج"، مضيفة "أنا مستفزة جدا من الناس اللي بتكلمني بتقوللي علقي.. أعلق على إيه ولا إيه.. على اللي حصل في وشي.. العيب اللي عملت عشانة العملية لسه موجود، بس زيادة عن ده طلع كرمشة على وشي وخطوط غريبة جنب عيني".
وأضافت: "أنا عايزة بس أقول حاجة بسيطة جدا للناس، أنا حقي هاخده بالقانون من الدكتور.. أنا عيني باظت.. وعيني اللي بتلف لوحدها دي عندي بيها مستندات، شوفتوا وشي بقى عامل إزاي.. شوفتوا عمليات التجميل حلوة إزاي.. ضحكتي بقت من هنا لهنا، أنا مش عارفة إزاي.. إنت (الطبيب) بتتكلم ولا بترد إزاي".
وقالت " أنا طلعت النهاردة من غير فلتر ولا مكياج علشان أورّيكوا العملية اللي الدكتور بيقول إنه راضي عن نتيجتها".
وأعطت مثالا على عمليات التجميل التي خضعت لها اصالة ونجاحها قائلة "أصالة عملت تجميل وطالعة زي القمر وغيرها من الفنانات ومأعلنوش وعارفين إنهم هما بس أصغر، هل دا شكلي؟ هل الطبيب دا مغيّرش هويتي؟ أنا علشان أخرج من مطار بيروت احتجت وثيقة تثبت إن أنا اللي في الباسبور لأنه غيّر شكلي، دي أكبر جريمة إنك تخلّيني أبص في المرايا معرفش نفسي".
تابعت: "الدكتور بعد ما العملية باظت عمل فيلر على الحفر اللي ظهرت في وشّي بعد ما بوظّلي شكلي، وعمللي خطوط زي الشيطان، وعمل لي خياطة تحت العين ودي جريمة، وحاجبي زي الشيطان عشان كده عملت تاتوه ومسحت الحاجب وعدّلته، عندي صور كتير بعتهاله وأقوله الورم دا حرقتني، وعيني متشعلقة فوق وجعاني عايزاها تنزل كدا تعباني".
واضافت: "انتقادكوا لينا المستمر هو السبب اللي بيخلّينا عايزين نظهر بأحسن صورة، بعد التجربة دي اتعلّمت إن الواحد يرضى بشكله".
ريهام سعيد: أنا عايزة دكتور يردّ
وطلبت في ستوري لها ردّ من أحد اطباء التجميل عن شكل وجهها الذي حصلت عليه بعد التجميل، معلقة "في حد عمل شد وجه طلع شكله كدة بعد 3 أسابيع؟ أنا عايزة دكتور يرد".
وطلبت ايضا في ستوري آخر أن يتم يفسر لها أحد الخياطة في وجهها قائلة "دكتور يقول لنا الخياطة المتعورة دي إيه".
واستعرضت ريهام وجهها عبر ستوري حسابها بانستقرام وسألت وهي تتحدث خلال البث المباشر:" هل دا وجه ممثلة؟ لو فكرت أمثّل، أنا مشوّهة، بقالي شهرين بتعالج وهسافر أتعالج، وهخضع لعملية نتيجة تليّفات كثيرة في وجهي، الدكتور حرقني جوّه العملية نتيجة عملية فاشلة".
كفاية حرام
وفي فيديو آخر بعنوان "كفاية حرام" علقت "مستاءة جدا من الإعلام بقول عني كذابة وأنا عاملة عمليات تجميل قبل كده، وأنا مرة وحدي رفعت خدي وخطر جدا انك تعملي شد وجه أكثر من مرة، بس كنت داخلة زي القمر وده مذنب هو أنا لابسة ماسك معليش هو أنا كويسة؟ كذابة في إيه؟ حضرتك؟ انا المريضة بقول أن شكلي مش عاجبني و انا عندما اطلع الصبح ابص في المرايا بعيط".
أزمة ريهام سعيد و نادر صعب
بدأت الأزمة بين ريهام و نادر منذ فترة حيث كانت راضية عن العملية، ولكن بعدها اتهمته بتشويه وجهها بعد خضوعها لعملية شد الوجه في المستشفى الخاص به في بيروت.
ونشرت ريهام في البداية مقطع فيديو على انستقرام ظهرت فيه وهي تتحدث عن تجربتها مع عملية شد الوجه، وقالت إنها كانت تعاني من آثار عمليات تجميل سابقة، وإنها كانت سعيدة بالنتيجة التي حصلت عليها بعد العملية التي أجراها لها نادر صعب.
ولكن بعد ذلك، نشرت ريهام مقطع فيديو آخر، ظهرت فيه وهي تتحدث عن تشويه وجهها، وقالت إنها كانت سعيدة بالنتيجة في البداية، ولكن بعد فترة بدأت تلاحظ ظهور بعض التغيرات في وجهها، مثل تورم العينين وتغير شكل الفم، مضيفة أن "نادر رفض أن يصلح لها وجهها، واتهمته بتشويه وجهها وتسببه في وفاة سيدتين.
