تضامناً مع والدته المصابة بالسرطان، كان لـ خالد سليم لفتة رائعة أمام الجميع، حيث قام بحلق شعره على الهواء أثناء استضافته ببرنامج كتاب الشهرة الذي يعرض عبر قناة الجديد.
علّق خالد سليم: "أنا هعمل حركة دي بس مش عاوز حد يفهمها غير أني بعملها علشان والدتي، لكل اللي جالهم المرض اللعين ده وكل الناس اللي فقدت أحد حبابيهم بسبب المرض القذر ده.. ربنا يتمم شفاهم على خير".
ودخل خالد سليم في نوبة من البكاء، قائلا:"شكلها كبر ولكن لسة شكلها قمر زي ماهي".
وتابع في حديثه :"قبل ما أكون فنان، أنا اتربيت كويس عشان كدا الناس حبتني، الحمدلله دا فضل ونعمة من ربنا، وأنا أنتمي لعائلة متوسطة الحال، كلها بتحب بعضها، أنا ثالت مولود، وكنت محاط بدفئ، وأنا كنت شاطر في دراستي، ومع الوقت بدأ أهلي يكتشفوا فيا موهبة الغناء، وحاولوا ينموها ودي حاجة كويسة، لأن فيه بعض العائلات بيهدموا مواهب أولادهم".
وأضاف:"أولا الوالد هو السند والضهر، حتى لو كبر في العمر، لأنه يملك خبرات بالحياة، وواحشني أوي الفول والفلافل اللي كان بيعملهم، وكان في آخر ايامه بيعمل أكل مش معقول، ودائما لما بشوف الأكل دا في البيت بفتكره وبحزن جدا".
