"هقدم شخصية رابونزيل وكنت محتارة بينها وبين شخصية ملافسينت والعرض بعد العيد الصغير إن شاء الله" تصريح لـ حورية فرغلي كشفت من خلاله عن قيامها لأول مرة بتجربة جديدة عليها وهي الوقوف على خشبة المسرح، حيث اختارت تقديم مسرحية للأطفال كونها لم ترزق بأطفال خلال حياتها.
وقالت في حديث لـبرنامج "اسرار النجوم" عبر إذاعة نجوم إف إم: "وأنا بصراحة عشان ربنا حرمني من الأطفال فأنا بعشق الأطفال ولقيت أن مفيش شغل ومفيش حاجة حلوة اتعرضت عليا عشان أقدمها فقررت أني أعمل مسرحية للأطفال ودي أول مرة في حياتي أقف على خشبة مسرح".
وعبرت عن إشتياقها للجمهور قائلة "أول حاجة وحشتوني جدًا وأنا مش عايزة أرجع لكم بأي حاجة وعاوزة أرجع لكم بحاجة قوية، وبيتعرض عليا حاجات بس مش نفس اللي انتوا متعودين عليا فيها الأدوار والقصص الصعبة".
وحول تعرضها للتنمر قالت " تعرضت لتنمر كبير بسبب العمليات التي أجريتها في أنفي ووجهي، وهذا دخلني في حالة اكتئاب فظيعة، الحقيقة التنمر أذاني أكثر من الحادث الذي تعرضت له".
واضافت: " أنا الحمدلله حاليا بعد أخر عملية أجريتها بقيت أشم بشكل كويس وحياتي أصبحت أفضل، واللي عايز يشغلني يشغلني، أنا موجودة وداخلي طاقة أكبر من الأول".
يذكر أن آخر مشاركات حورية كانت بمسلسل "أيام 2" عام 2022.
