تصريحات كثيرة أثار من خلالها بسام كوسا الجدل بين المتابعين على مواقع التواصل الإجتماعي، خاصةً بما يخص مهنة التمثيل والممثلات.
شاهدوا تقرير سابق في ET بالعربي: غادة عبدالرازق بأول رد على جدل فرق السن مع محمد علاء
وخلال حواره مع منصة "المنتدى" قال بسام كوسا، "في قسم من الممثلات والسيدات والآنسات زميلاتنا، فعلاً بينرفع الراس فيهن من كتر ما موهوبين وشغلن حلو وأخلاقن حلوة، ولكن القسم الأكبر مهنة التمثيل هي عبارة عن ستارة لممارسة مهن أخرى".
وأضاف كوسا مؤكداً على كلامه، "أنا مسؤول عن كلامي، وعم شوف هلق شو عم بيصير شي بحطوه بضهر الذكاء الإصطناعي على فكرة، انه والله هي مو انا الذكاء الاصطناعي مسوينها عليي، على اساس نحنا كنا سابقينه للذكاء الاصطناعي".
واستمر بسام بحديثه عن بعض الممثلات، "ولذلك أنا بشوف انه واحدة من اخطر الاشياء مو دخول هؤلاء على هذه المهنة الحضارية العبقرية، مين سمح لهم يدخلوا، مين بينتجلن مشان شو؟ شو عم يعملو بدول أخرى؟ يعني مين هادول انه على اي اساس هادول بعدين بعد 4 او 5 سنين بتطلع بتلاقيها عالتلفزيون عم تحكي عن بناء الاسرة وتربية الاطفال والحياة الاجتماعية انه نجمة انا نجمة".
وكشف بسام كوسا، على أنه انتهى من عمل منذ فترة لكنه لم يبصر النور حتى اليوم بسبب ممثلة، حيث قال "انهينا العمل وخلصناه وانجزناه بس لانه كان اسمها بعد اسمي قام لحد الان ما انعرض المسلسل، هني مجموعة بفضل ما غوص كتير بس هاد انعكاس لواقع متردي".
