كما عودتنا في تصريحاتها المثيرة للجدل، عادت نادين نسيب نجيم مجددًا عبر فيديو على حسابها في سناب شات، حيث ردت على أحد الانتقادات بشأن أحدث إعلان لمنتج lip oil من علامة شركتها Nadine Njeim Beauty.
وقالت أثناء كلامها عن الموضوع:"قال بكفي صور بالبانيو، على رأي ما بعرف مين، حدا بيضل ينكّت عليي مفكّر حاله مهضوم. إن شاء الله بتتصوّر بالطنجرة، شو بدّك فيي؟ أنا يمكن شايفة إنو هيك عبالي، وهيك بيناسبني وبيناسب ال-product. بشو متعبتك أنا؟ مزعوجة من البانيو؟ نقلي علمطبخ. كتير بحبّو حدا يعملكن بلوك. شي غريب عجيب العالم والله العظيم."
وتابعت نادين حديثها بالقول: " في وحدة بتقلّي في إيحاءات. إنتي نيّتك عاطلة. إيحاءات شو؟ وحدة قاعده عم تتصور وقعدت تحكي إنو هيدا الشي مرطب. هيدا lip oil بيعطيك ترطيب وبتحسي إنو شفايفك مرطبة. مشان هيك عبّرنا في بقصة الماي. وهي مش أول مرة منشوف هيك دعاية. في كتير عالم مرقت فيها لهل نزلة بالبانيو، وما بدا هالقد.إنو ليش هلقد إتضايقتي؟ مدام نظفي ظنونك. نيتك مش منيحة، نيتك ما بتسوى."
تابع رد نادين نسيب نجيم الكامل:
منتج جديد من نادين نسيب نجيم
يذكر أن في الاعلان الترويجي لماركتها نادين نجيم بيوتي، تظهر نادين بنفسها جالسةً داخل حوض الإستحمام، مروجةً لمنتج وهو زيت للشفاه. وعبرت في ال- caption: " بعض اللقطات وراء الكواليس خلال تصوير الإعلان. كنت بردانة كتير و عم حاول ركزّ."
