سعادة كبيرة عاشتها إلهام صفي الدين بعد تكريمها في مهرجان التميز والإبداع، حيث تحدثت لـ كاميرا ET بالعربي مُعربةً عن فخرها بما وصلت إليه.
إلهام صفي الدين في مهرجان التميز: "بهدي التكريم لعيلتي على دعمهم"
وقالت إلهام صفي الدين : "مبسوطة جداً إني موجودة هنا النهار دا، الحمدالله دا ثالث تكريم ليا بعد أدواري برمضان في أعلى نسبة مشاهدة وإمبراطورية ميم، فخورة ومبسوطة جداً الحمدالله".
تابعت : "بهدي التكريم لعيلتي على دعمهم لأن لولا وقوفهم معايا أنا مكانش زماني وصلت للحتّة لي انا فيها دلوقتي".
وعن التعليقات السلبية على السوشيال ميديا قالت إلهام : "أنا ما بتأثرش قوي بالسوشيال ميديا، وانا لما بحسّ إن في تكريم لحاجة دا معناه إني انا اتشفت والناس حسّت بيّا بجد، وهو دا لي انا عايزاه، أنا عايزة أمثل عشان الناس تحس".
تابعت : "إحنا كلنا اتربينا على إن العيلة أهم حاجة في الدنيا، جدتي الله يرحمها كانت مخليّة العيلة مرتبطة ببعضها قوي، واحنا فضلنا على دا والحمدالله، وان شاء الله جيل بعد جيل أتمنى إن الشاهين يفضلوا كدا".
وكانت إلهام شاهين قد أعربت عن سعادتها بتكريمها في مهرجان التميز، وحصول إبنة شقيقتها إلهام صفي الدين على جائزة التميز والإبداع.
إلهام شاركت متابعيها عبر حسابها الخاص على إنستغرام صوراً من تكريمها مع إلهام صفي الدين، وعلقت: "شكرأ تكريمى عن مجمل اعمالى من ملتقى التميز و الإبداع .. و المفاجأة الأجمل إنى أسلم جائزة التميز و الإبداع لحبيبة قلبى و بنتى الغاليه .. الفنانه المجتهده جدا و بتحب الفن و تحترمه جدا .. الهام صفى الدين عن دورها الرائع فى مسلسل إمبراطورية ميم".
أضافت : "ألف مبرووك حبيبتى .. جائزة مستحقه .. من جد وجد .. ربنا يوفقك و دايما من نجاح لنجاح أكبر .. المشوار طويل و صعب .. ربنا يقدرك و تحققي كل ما تتمنيه .. شكراً ملتقى التميز و الإبداع ..شكرا رئيسةً الملتقى د. داليا المتبولى .. تمنياتى بالتوفيق دائما".
