بعد عرض الحلقة 30 والأخيرة من مسلسل بالدم ، شاركت ندين جابر صورة جمعت أبطال العمل من الحلقة الختامية، معبّرة عن مشاعرها حول نهاية "غالية" التي جسّدتها ماغي بو غصن.
ندين جابر : "غالية بعدها عايشة جوّات كل حدا بهالصورة"
وعلّقت ندين على الصورة قائلة: "ايه الصورة ناقصة، ناقصة شخص ما حدا ممكن يعبّي محلّو، بس هيدي الحياة، ولا مرة كانت عادلة... وبدها تكفّي...
بفهم حزنكن على النهاية، غالية عاشت معي اكثر ما عاشت معكن؛ بس غالية ما ماتت، غالية بعدها عايشة جوّات كل حدا بهالصورة، وبالاخصّ جوّات حنين...
صار الوقت نفكّر جديّاً بالتبرّع بأعضاءنا بعد الوفاة، التبرّع بالاعضاء ممكن ينقذ كثار... 🤍"
وكانت ندين قد نشرت يوم أمس صورة لـ"غالية" وكتبت: "الليلة رح تخلص قصة غالية بس فيه اكثر من عشر الاف قصة مثل قصتها ما خلصت بعد ويمكن ما بعمرها تخلص 💔 ماغي بو غصن شكراً انك حملتي قصة غالية عأكتافك، شكراً انك حملتي الأمانة بكل أمانة وكنتِ افضل مين جسّد وجع كثار مثلها".
جدل حول نهاية مسلسل بالدم : بين الحبكة والتسارع في الأحداث
أحد المتابعين علّق على النهاية قائلًا: "المشكلة ما كانت انو غالية ماتت... بس يكون في شوي منطق ومش تسارع احداث... الحلقة كانت كلّها حشو باستثناء 10 دقائق مش بقيمة season finale."
بينما كتبت متابعة أخرى: "فعلًا ناقصة غالية يللي رح تبقى غالية على القلب وبقلوب الكل ورح تبقى دائما عايشة جوات حنين شكرًا ندين جابر وبرجع قول بعتذر اذا انا شخصيا انتقدت بس بتعرفي دائما الإنسان بحب النهاية السعيدة والفرح بحبك ندين ويعطيكي العافية و ع امل ارجع شوف ماغي وماريلين سوا ك أم وبنتها."
تقرير سابق: نادين جابر ترد لأول مرة على اتهامات سرقة قصة مسلسل بالدم
