خلال حديث لـ هاني رمزي مع ET بالعربي أكد فيه أن كشف القضايا الاجتماعية، وبخاصة قضايا التحرش، أصبح أسهل اليوم بفضل تأثير السوشيال ميديا والإعلام، مشددًا على أهمية قول الحقيقة والتوعية ضد الظواهر غير الأخلاقية.
هاني رمزي لـ ET بالعربي: السوشيال ميديا ساعدت على كشف قضايا التحرش
وقال :"هتلاقي متحرش عمل فعل فاضح وفعل لا يليق على الإطلاق بيتم فضحه على السوشيال ميديا. أنا مع مع هذه الأمور إن احنا نكشف هؤلاء الأشخاص، زي ما الكاميرا اللي موجودة في الموبايل ليها فايدة زي ما الكاميرا اللي موجودة في الموبايل ليها أضرار".
وأشار إلى أنه " النهاردة إحنا لازم ننتبه ولازم نعلم ولادنا ولازم نفهمهم إن مش أي حد وما نخافش، ومش أي حد يقدر يأثر علينا وما نخافش، قول الحقيقة وما تتكسفش، ولو حصل تحرش ولو حصل أي حاجة افضح المتحرش وما تقولش المجتمع هيقول عليا إيه وما تقولش المجتمع هيعمل فيا إيه، وإن ما ينفعش البنات لازم نداري عليهم لا، إحنا العالم كله بيتغير فإحنا لازم كمان نقف أقوياء ضد هذه الظواهر الغير أخلاقية".
وأضاف أن مسؤولية التصدي للظواهر غير الأخلاقية ليست على الأفراد فقط، بل على المجتمع والإعلام:" أنا أعتقد إن ده دور كبير للإعلام، دور كبير للسوشيال ميديا، مهم جداً إن إحنا ناخد أجمل ما فيه ونرمي أسوأ ما فيه."
