بعد فترة من تساؤلات المتابعين حول التغيير في ملامحها، خرجت الدكتورة خلود عن صمتها لتكشف بنفسها تفاصيل خضوعها لعملية تجميل في الأنف، موضحة أنها لم تكن خطوة تجميلية فقط، بل تضمنت أيضاً علاج مشاكل تنفسية كانت تعاني منها.
الدكتورة خلود تخضع لعملية تجميل الأنف
"عملية تجميل + علاج مشاكل تنفسية"
وأرفقت الفيديو بتعليق قالت فيه: "عملية تجميل +علاج مشاكل تنفسية مثل التصاقات و تليفات و تضخم لحمية".
وفي الفيديو، بدأت حديثها قائلة: "مساكم الله بالخير شلونكم شو اخباركم طبعاً في وايد ناس قاعد يسألوني شنو الشي اللي متغير فيك صايرة حلوة محلوة وش هالتغيير، أكيد اللي متابعين اللي يعرفوني عدل على طول دروا من غير ما أقول لهم لأن أكيد حافظيني وحافظين ملامحي."
وتابعت: "المهم شنو صار اللي صار إن أنا تعرضت حق إصابة بسيطة الحمد لله قلت يلا زلقة بطيحة، أنا أصلاً خشمي يحتاج لأن عندي ميلان وعندي تليفات داخل والتصاقات."
"سويت سيرتش".. كيف اختارت الطبيب
وأضافت: "المهم وقعدت أسوي سيرتش وكذا وشفته مرمر مسوية خشمها عنده، كان أروح حق دكتور محمد العيسى".
وأكملت شرحها: "المهم بنزل لكم الفيديوهات وأنا عنده بالعيادة وشلون شرح شنو راح يسوي لي، خشمي شنو كان، تدرون صوتي كان كذا، ثاني شغلة ما كنت دائماً أصور كذا عشان ما يبين الميلان وكان زحلاقية وكرة."
ثم قالت: "اللي سواه خذ غضروف من أذني سوى لي هذه كذا سيدة ورفع لي "التب أوف نوز" (tip of nose) خلاها كذي، بس للحين وارم خشمي وعدل لي الميلان، شكراً دكتور محمد العيسى."
"صرت أتنفس على راحتي"
وأضافت: "ما قلت له شنو سويت بعد، بعدين بعدين مو كلها مع بعض مو كلها مع بعض، بحط لكم أكاونته شغله يجنن."
وتابعت بانفعال واضح: "خشمي يعني تخيلوا هو للحين وارم ما وصلت حق النتيجة النهائية وأنا مكياج عليه بس أمانة ايش رايكم بالرفعة؟ واو وصرت أتنفس على راحتي."
كما أشارت إلى الجانب الطبي من العملية: "كل الالتصاقات والتليفات الدكتور راح يشرح لكم بعدين ما بقط كل الكروت الحين، يا أخي ما يخلون الواحد غامض نفسه هذول ملوت هوليوود وبوليوود كل شي يعرفوا."
"أموت عليكم".. رسالة لمحبيها
وختمت الدكتورة خلود حديثها برسالة مليئة بالعفوية: "بدون ما تحكى كل شيء ياخذون على الخشم القديم والخشم الجديد كل الأكونتات، أموت عليكم أحبهم لأن حافظيني، حافظين ملامحي، حافظين أسلوبي، حافظين كلامي، حافظين حتى عيوني لما تحزن حتى لما أتهاوش وياهم".
