خلال الحلقة الثانية من لقاء باسم يوسف مع أحمد سالم في برنامج "كلمة أخيرة" على قناة ON ، تحدث باسم يوسف بصراحة عن حياته الخاصة، كاشفًا عن تفاصيل معاناة زوجته معه بسبب الشهرة، وتأثيرها على أسرته.
باسم يوسف يعتذر لزوجته بعد سنوات من المعاناة
قال باسم يوسف إن زوجته "هالة" تحملت الكثير من الصعوبات بعد شهرته، موضحًا "هالة شافت كتير واتعذبت معايا، الشهرة جابت ليها وجع دماغ كبير، إحنا اتجوزنا قبل الثورة بشهرين، ومن أول يناير 2011 كل حاجة اتغيّرت، أنا اتشهرت وحققت نجاح لكن هي ما شافتش غير قلق وشد أعصاب وخوف، وأنا عاوز أستغل الفرصة وأقولها آسف على المقلب اللي شربتيه".
وأضاف أن زوجته كثيرًا ما تطالبه بالابتعاد عن الإعلام خوفًا عليه وعلى العائلة: "مراتي نفسها أبطل أتكلم في الإعلام، بتقولي بطل كلام، مش ناقصين، خايفة علينا كعيلة".
تغيره بعد سنوات الغياب
وعن ردود الفعل بعد حلقته الأولى في البرنامج، أوضح باسم يوسف أنه لا يرى نفسه كما كان قبل 11 عامًا، قائلاً: "الناس بتقول ده مش باسم بتاع زمان، وأنا فعلاً مش هو، أنا عندي 51 سنة، وظروفي وأفكاري اتغيرت، ومبسوط إنّي بتغير وبتعلم".
وأكد أن الجمهور لا يبحث فقط عن شخصه، بل يريد أن يعرف اتجاهه الحالي:"الناس مش عايزة البرنامج ولا باسم، الناس عايزة تشوف الاتجاه رايح فين، هيتكلم ولا لا؟ هيقول إيه؟".
تحدث باسم يوسف أيضًا عن تأثير النجاح على حياته الأسرية، قائلاً إنه فقد كثيرًا من وقته مع أولاده بسبب الانشغال بالعمل والسفر:"من الناحية المادية كانت الأمور كويسة، لكن عيلتك مش بيشوفوا منك غير غيابك، بتحاول تبرر إنك بتغيب علشانهم، لكن في النهاية هم فاكرين إنك مش موجود".
كما كشف عن أكبر خطأ ارتكبه في حياته حين علّم والدته استخدام يوتيوب:"كانت أسوأ غلطة في حياتي، ماما كانت بتشوف التعليقات وبتزعل، ومقدرتش تستمتع بالبرنامج بسبب الهجوم".
