بعد غيابها لفترة 10 أشهر خارج مصر بسبب قضايا الشيكات المرفوعة، أطلت بوسي مع منى الشاذلي، في برنامج "معكم" على قناة CBC، حيث تكلمت لأول مرة عن خروجها من مصر، أسباب القضايا المرفوعة وعلاقة طليقها بالموضوع، إضافة إلى حالة إبنها ياسين في غيابها، خاصةً وأنه بقي وحيداً طوال الفترة الماضية.
بوسي كشفت أنها خرجت من مصر قبل عيد ميلاد إبنها بيوم واحد، وذلك يوم 30 /8 العام الماضي، وقالت "أول حاجة إن يجي عليا عيد الأم ما بقاش جنب إبني، وكل مكالمة يقولي يا بوسي إنتي فين مش معايا ليه، قولوا يا حبيبي معليش عندي شغل عندي تصوير وهجيلك، وكمان أول رمضان يمر عليا مبقاش معاه، بفطر لوحدي ومافيش حد بيسأل عليه، ولا حتى مكالمة تلفون من حد".
وأضافت بوسي، "الشتا اللي فات كان صعب قوي كان تلج محدش سأل عليهم، وهو إختبار من الله وانا مبسوطة بالـ 10 شهور دول علشان بينتلي حاجات كتيرة أوي في حياتي، عرفتني مين اللي معاكي ومين اللي مش معاكي، وأولهم أهلي، وأنا عموماً عندي معارف كتير بس معنديش أصدقاء، بس اللي كنت مستنياهم يسألوا على إبني الغلبان اللي ملهوش حد في الدنيا إسألوا عليه".
وأشارت بوسي إلى أن موضوع قضية الشيكات، أثر على عملها، "أجبرت أخرج برا مصر علشان أحل موضوع الشيكات، ودا كان ليه أثر على شغلي وأكل عيشي".
وعبرت بوسي عن حزنها عندما اتهمها الناس بأنها ابنة عاقة، "حطوا نفسكو مكاني أنا والدي ساب البيت وأنا في بطن أمي".
وأطلقت بوسي أغنيتها الجديدة "يا دنيا"، يوم أمس عبر قناة كرافت ميديا على اليوتيوب.
