إنقسام في آراء المتابعين على السوشيال ميديا منذ إعلان عمرو يوسف عن قيامه بدور الملك الفرعوني أحمس ضمن مسلسل "الملك" في موسم رمضان المقبل 2021، بين مع وضد الفكرة، ET بالعربي تواصل مع عالم الآثار المصري زاهي حواس، للوقوف عند شخصية الملك أحمس الذي يلعب دوره عمرو يوسف.
عالم الآثار زاهي حواس تحدث لـ ET بالعربي عن شخصية الملك أحمس، "أنا شايف إن عمرو يوسف ممكن يقوم بالدور لأن ده دراما، والدراما ممكن تعمل فيها أي حاجة وهو إذا كان بقوم بدور الملك أحمس هو بيتكلم من خلال عيلته اللي بدأها أبوه وأخوه، ولما وصلنا لـ أحمس، فأنا شايف أنه مسلسل ممكن يتعمل وعمرو يوسف مافيش مانع إن هو يقوم بالدور إطلاقاً".
وتابع زاهي حواس لـET بالعربي " عندنا في تاريخنا قصص كتير عن خوفو ورمسيس التاني وغيرهم أي عندنا التاريخ الفرعوني، لكن عايز لما يتعمل أي قصة فرعونية يكون في دقة بالتنفيذ من كل النواحي بطريقة صحيحة".
