موجة جديدة من الانتقادات طالت مسلسل "وكل ما نفترق" ولكن هذه المرة ليست بين نجوم العمل، بل بين الجمهور وبطلته ريهام حجاج.
وظهرت ريهام وهي متنكرة في الحلقة 12 من "وكل ما نفترق" بزي صعيدي يرتدي الجلباب الصعيدي والعمة ولكنها احتفظت بالقُصة، الأمر الذي أثار سخرية رواد مواقع التواصل الاجتماعي، متهمين ريهام بالاستخفاف بعقل المشاهد.
كما أن الانتقادات لم تقتصر على الشكل الذي ظهرت فيه ريهام بل أيضاً على المشاهد التي لعبتها ولاسيما مشهد المطاردة مع عدد من الصعايدة.
وشارك رواد مواقع التواصل الاجتماعي صوراّ لريهام وهي بالزي الصعيدي وعلقوا بسخرية عليها، وكتب أحد المغردين: "ناس كتيرة عمالة تتكلم عن إن الأستاذة ريهام حجاج في مسلسل "وكل ما نفترق" متنكرة في دور صعيدي عامل أوصة، أنا روحت أبص ع المشهد لقيتها فعلاً متنكرة في دور صعيدي بأوصة وبيعاملوها كراجل عادي.. بس لقيتها عملت حاجة أروش بكتير"، وتابع المغرد: "كان فالمشهد ناس صعايدة حوالي خمستاشر واحد بيجروا وراها في السوق عاوزين يمسكوها، المهم في وسط المطاردة الشرسة لقيت الأستاذة ريهام في الدقيقة 23 وتمانية وتلاتين ثانية بالظبط بتحدف واحد صعيدي من اللي بيطاردوها بحزمة بقدونس فتيجي فيه وبيقع على الأرض.. آه والله".
وعلق آخر: "من شوية اشتغل قدامي بالصدفة مشهد من مسلسل ريهام حجاج والمفروض انها كدا في هيئة صعيدي.. ستوب يا ابني ايه دا".
وغرّدت متابعة ساخرة من أداء ريهام، وشاركت صوراً لها وكتبت: "استعدادات خاصة للفنانة الصعيدية من أصول كورية بعد ترشيحها لبطولة الاختيار 3 رمضان 2082".
وكتبت أخرى: "الاستهزاء بعقلية المشاهد.. ما هي بتمثل بفلوسها زي ما بتقول.. المفروض ان ريهام حجاج متنكرة ولا ايه وهي متنكرة كأنها راجل صعيدي".
وكتب مغرّد: "وبتحدف واحد تاني بلفة خس.. وواحد تالت ببطاطساية صغيرة خالص.. وعمالة بقى توقّع فيهم واحد ورا التاني، محدش قادر عليها وحاجة منتهى اللي هيقرب مني حفرغ قرن البسلة في دماغه أنا مبهددش". وأرفق التغريدة بهاشتاغ "بتضربي الصعادية ببقدونس يا ريهام"، و"هما كيلو كفتة".
وشاركت مغردة صورة لريهام بالزي الصعيدي ولسمير غانم بزي امرأة مع شاربين وعلقت: "تنكر ريهام حجاج وهي عاملة راجل فكرني بتنكر سمير غانم".
وردت ريهام على موجة الانتقادات التي طالتها وشاركت تعليقاً على خاصية الستوري على صفحتها على انستغرام وكتبت: "هي الناس اللي بتقول إن شخصية زينب ولد صعيدي بقصة! بتخترعوا ليه يعني لو اللي بيتكلم مجنون فالمستمع عاقل أكيد.. إزاي هعمل دور راجل الشخصية اسمها زينب"، وأضافت: "زينب يعني زوزو بنت أول ظهور ليا في الحلقة الأولى يعني مش مفاجأة وطبيعي لو بنت شعرها كده ولبست عمة هيطلع ليها قصة ومش معنى انها صعيدية يبقى لازم يبقى شعرها كيرلي زي شخصية مأمونة البنات الصعايدة القمر".
وأكد كلام ريهام، أحمد الخواجة ماكييرها في المسلسل، وأشار إلى أن "شخصية ريهام حجاج ليست متنكرة ولكنها بنت اسمها "زينب" وتعيش مع المطاريد لذلك ظهرت وهي ترتدي العمة"، لافتاً إلى أنهم تعمدوا تسريحة الشعر حتى لا تدل أنها ولد فهي بنت ولكن طباعها رجولية لأنها تعيش وسط المطاريد".
حتى رد ريهام لم يسلم من الانتقادات، وشاركت مغردة الرد وكتبت ساخرةً مستعينة بجملة من مسرحية "الواد سيد الشغّال": "إنت شديد أوي مع المشاهدين بتوعك! أخلاق فنانين حقيقيين محترمين وشيك!".
وكتب آخر: "المعنى الحرفي لجت تكحلها عمتها"، وعلق متابع: "كلامك ده بيحمل أكتر من معنى واحنا مش فاهمين ولا واحد فيهم الصراحة "وكل ما نفترق".
