حقق مسلسل "شاهد عيان" لـ حسن الرداد وهنا شيحة نجاح في الموسم الرمضاني 2020، حيث خصت ET بالعربي بحديث عن الحلقة الأخيرة وشخصيتها في المسلسل قبل عرضها.
"الحلقة الأخيرة في مسلسل شاهد عيان، هنشفي غليل الناس نوعاً ما ندى وعمر هيتجمعوا تاني مع بعض بعد مواجهة كبيرة بين ندى ووهيب وبين وهيب وعمر تخليص حق من الآخر"، هكذا وصفت هنا شيحة لـET بالعربي أجواء الحلقة الأخيرة من "شاهد عيان"، وتابعت "عايزين نقول حاجة مهمة جداً جداً جداً الشر عمرو ما هينتصر أبداً مهما طال الوقت والخير مصيره ياخد حقه، وفي الأخر الجريمة لا تفيد".
هنا التي عايدت جمهورها من خلال ET بالعربي "عيد سعيد عليكم ويا رب نرجع تاني نتجمع على خير"، قالت عن تجربة التصوير في ظروف إنتشار كورونا، "تجربة التصوير في ظروف كورونا هي مش سهلة أبداً على كل اللي كانوا بيصورا بس إحنا غصب عننا إلتزمنا بعقودنا وبكلمة أخدناها على نفسنا وعدنا بيها الجمهور إن نحنا نكمل تصوير ونقدم أعمال فنية ونفضل على قد المسؤولية أكيد مش سهلة خالص وأتمنى إن نكون قدمنا الرسالة الأسمى للفن وهي إن الناس تكون إنبسطت".
وعن شخصية ندى التي تؤديها في "شاهد عيان"، قالت هنا شيحة لـ ET بالعربي: "شخصية ندى شدتني من أول لحظة وايه اللي بيحصلها وبتعمل كده ليه والناس كانت طول رمضان بتسأل هي دي ندى ولا شخصية تانية ازاي تتخلى عن جوزها وبنتها وتزيف موتها وتتفق مع وهيب العزازي والناس المجرمين هل هي فعلاً كده ولا مش خاينة"، وأضافت "هي مش خاينة وبتحب بلدها جداً وبسبيله ضحت بـ كل حاجة قريبة ليها في الحياة علشان تقدر توصل للمنظمة الإرهابية اللي بتدخل سلاح للبلد، فـ ندى شخصية وطنية وأنا فخورة جداً إني عملتها"، وأكدت هنا أنه من السهل أن يتم مسامحة ندى لأنها كانت تقوم بكل شيء لهدف سامي، "والمفروض من اللي بيحبونا يسامحونا".
