أثار رامي صبري الجدل بعدما نشر بوست على الإنستغرام، أعلن من خلاله عدم التعاون مع عزيز الشافعي مرة أخرى بسبب أغنية "شكرا" التي غناها عمرو دياب في ألبومه الأخير "يا أنا يا لاء"، وكتب "لتاني مرة الملحن عزيز الشافعي ياخد اغنية واحنا شغالين فيها ويروح يديها للفنان عمرو دياب لذلك قررت عدم العمل معه مرة أخرى شكرا كده للي سبنا.. زي ما انتي".
وتراجع رامي صبري عن منشوره، بعدما شارك كل من تامر حسين وعزيز الشافعي بوستات عبر حساباتهم الرسمية على الفيسبوك، فكتب عزيز "مش هرد بالتفاصيل على كلام الزميل المحترم، عشان لما الواحد يبقى ليه فضل بعد ربنا ف نجاح فنان و بيزود رصيده مع الناس ، بيعز عليه بعد كدة يقلل منه حتى لو تجاوز و رغم إن كلامه كله (مالوش أي اساس من الصحة) ، احب دايما اشوفه ناجح و بيكمل اللي عملناه و بشكره على إستجابته لطلبي و قراري الشخصي الي بعتهوله الصبح من خلال صديقنا المشترك محمد حامد بإننا منشتغلش تاني و نكتفي بنجاحاتنا.. و بعتذر للسادة الصحفيين اللي بيتصلوا بيا مش عايز ادي الموضوع اكبر من حجمه وبكتفي بالبوست ده و بالكلام المحترم اللي كتبه زميلي و شريكي تامر حسين على صفحته عن أغنية شكرا ، اما بخصوص زي مانتي ف ممكن ترجعوا للصديق المشترك محمد حامد و تسألوه و شكرا لحد كدة".
ثم عاد وأطل عزيز الشافعي ببث مباشر عبر حسابه الرسمي على الفيسبوك، وتكلم عن تفاصيل ما حدث.
وقال الشافعي في البث المباشر أنه عندما تم طرح أغنية "زي ما انتي"، قال رامي صبري أن الأغنية له، ولكنني تحاوزت الموضوع ولم أرد عليه، وتكرر الموضوع الآن عندما صدرت أغنية "شكراً"، وتابع "أقسم بالله العظيم أنا هقول اللي حصل، أغنية زي ما انتي أنا عملتها سنة 2019 في نفس اليوم اللي عملت فيه حياتي مش تمام وبعت الأغنيتين فورا لـ عمرو دياب، وهو مردش عليا في نفس اللحظة وجالي تاني يوم رامي صبري وكان معانا صديقنا المشترك محمد حامد، وسمع الأغاني وسألني أنت بعتها قولتله لسه هو سمع الأغاني وحبها وروح وبعتلي فويس بصوته بيغني حياتي مش تمام وقالي أن زي ما انتي مش مناسباني".
وأكد الشافعي أن عمرو دياب، أعجب بأغنية "زي ما انتي"، وعندها أبلغ رامي صبري الذي بارك له، وقال "متقربش من (حياتي مش تمام)، وقالي انت موهوب".
وأشار عزيز الشافعي، في المباشر، "اتقال إني ببيبع صحابي عشان الفلوس زي ما اللجان الإلكترونية ما بتقول، رامي صبري اتهمني بالباطل بدون وجه حق، وقررت الرد المرة دي لإن الاتهام شمل الشاعر تامر حسين، أغنية "شكرا" لم تكن أغنية رامي صبري من الأساس، هو سمعها بنسختها القديمة في أغسطس 2019، لكن صبري، طلب مني أن يكتب تامر حسين كلمات مختلفة للحن، لكن كل المحاولات معجبتش رامي، وتوقف مشروع الأغنية وقتها، وتعاون رامي صبري مع تامر حسين في أغاني تانية".
وختم عزيز الشافعي، أنه عرض أغنية "شكراً" على عمرو دياب بعدما انتهى تامر حسين من كتابة كلماتها، حيث تحمس لها وقدمها بعد عام ونصف على إستماع رامي صبري لها، حيث نفى أن يكون دياب طرفاً في الأزمة.
وبعدها رد تامر حسين علي كلام رامي، وقال "أولاً ليه بنجيب وبنقحم دايماً أسم (عمرو دياب) فى جُملة مفيدة ؟ ايه الغرض ؟ ثانياً... توقيت البوست لما الأغنية انتشرت وكسرت الدنيا بالتفاعل وإقبال الناس عليها والإشادة بيها يعنى ليه الكلام ده مكنش فى أول يوم مثلاً؟ ده لو فعلاً الكلام على حق ثالثاً... اللى اتعلمته ومن أدبيات المهنه ولازم الناس كلها تفهمه فكرة الذوقيات يعنى ايه ؟ يعنى نبارك لبعض نهنى بعض مش نتهم الناس فى عز نجاحهم بالباطل لما أى مُطرب فى الدنيا بتعجبه اغنية المؤلف والملحن بيعملوا (تنازل عن حقوق الإستغلال )للمطرب طالما ماحصلتش الخطوة دى من زمان تبقى الأغنية ملك الشاعر والملحن لحين إختيار الأفضل وارد جداً تسمع مطرب زميل اغنية من سنة سنتين ولضعف الرؤية الفنية مايتخيلش نجاحها ده اللى بيفرق مطرب عن مُطرب ف سُرعة إتخاذ القرار أنا شايف ان فى تجنى على حق المُلحن عزيز الشافعى أدبياً ومعنوياً دى شهادة حق ومش شايف تماماً اى داعى يسمح بالكلام والصراعات دى".
وأضاف تامر حسين "وللمرة المليون الناس المُحترمة ما تعلنش مشاكلها فى العلن عيب فى خصوصيات مايصحش ندخل الجمهور فيها ونتهم ناس محترمة بالباطل اكيد مش هنزل فويس نوت نستشهِد بيها واحنا (أصحاب الحق ) وربنا يهدى وأخيراً ياما ناس سمعت اغانى من سنه وسنتين ومكنش ليهم نصيب فيها ماعملهوش اللى بيتعمل ده لما الأغنية تنجح بالعكس فرحوا واتمنوا انها ياريت لو كت أغنيتهم بكل حُب وتقدير وروح حلوة وده بوست بكُل حُب والله عشان معنديش كلام يتقال تانى مش عايزين الموضوع ياخد أكبر من حجمه هى شُهرة ل الأغنية أكتر بس مابحبش الطريقة دى من الشهرة".
ورد رامي على بوست تامر " ومين اللي قالك الأغنية دي تكتبها يا محترم ياللي دخلت نفسك وكتبلي بوست طويل عريض. مين اللي بعتلك الأغنية تكتبها؟ ورؤية ايه اللي بتتكلم عنها وانتو واخدين الرؤية بتاعتي من الموزع نفسه. لو حضرتك عندك رؤية معملتهاش ليه مع موزع تاني غير وسام؟ دخلت نفسك ودافعت عن الغلط يغلط وخسرت واحد كان بيحبك وبيحترمك جدا للأسف.. حتى لما كلمتني عن تحدي عمرو دياب انا اول واحد عملته لك وكان ممكن اقول لا. بس علشان كلمتني مردتش اقول لا. شكرا يا تامر على كلامك عني مع جمهورك المحترم وردك غير مسؤول منك كشاعر كبير وأخ وصديق وعمري ما تخيلت منك كده".
