أعلنت زيزي عادل عن اعتزالها مجال الفن، وقالت في فيديو شاركته على صفحتها على انستقرام "أنا النهاردة طالعة أقولكم خبر مهم جداً أنا أخذته في حياتي ويمكن الخبر ده أهم خبر وأحلى خبر حياتي، الخبر ده قرار اعتزالي وان أنا قررت أسيب المهنة اللي أنا بشتغلها وان انا كنت مطربة. يمكن القرار ده ما أخدتوش مبارح يعني، بالعكس القرار ده أنا واخداه بقالي فترة كبيرة جداً".
ولفتت إلى أنها استشارت بعض المقربين الذين دعموا خيارها، وتابعت "أنا ممكن ببعد عن حاجة أو اللي عرفته ان الشهرة من أكتر المغريات في الدنيا.. وانتوا فاهمين ان الشهرة والفنانين والأضواء وازاي بتتهافت على كل ده وأنا ببعد عنها.. أنا ببعد عنها لأني بقرب من حاجة أهم بكتير جداً، أنا بقرب من ربنا.. في الفترة الفاتت قربت من ربنا جداً، ولقيت اني ديني أو القرآن بقولي ان انا كنت لازم أكون ملتزمة. بحاول أكون ملتزمة على قد ما أقدر".
وفيما يتعلق بالحجاب، قالت "لسه ربنا ما أنعمش عليّ بخطوة الحجاب، بس بدعي ربنا ان أنا ألبس الحجاب ويا رب انشالله يتممها عليّ، بس كل حاجة بتيجي خطوة خطوة.. مش عيب ان انا خدت خدوة وبعدين اخد الخطوة اللي بعدها".
وأشارت إلى أن الفن مصدر رزقها، وقالت "منها أنا بعيش، بس عارفة ان ربنا حيرزقني وربنا ما بينساش حد.. أنا راضية جداً عن القرار اللي انا اخدته ده ومبسوطة جداً فيه".
ولفتت الى بعض المواقف او الاختبارات ومنها تلقت عرض لم تتلقاه خلال مسيرتها الفنية، ولكنها رفضته لأنها قررت الاعتزال.
وأضافت "أنا حابة اني أنا أموت وربنا راضي عني.. انا كل اللي أنا عاوزاه ان أنا أبقى مستعدة لمقابلة ربنا وأنا مستعدة ان أنا أقابله وأنا راضية عن نفسي وراضية عن شخصي وحياتي وأفعالي.. الحمدالله التزمت وقربت من ربنا بطريقة كويسة وبنفس الوقت ربنا يكرمني وألتزم أكتر وأكتر".
مع قرار اعتزالها تصدرت زيزي عادل الترند، وعبّر عدد من المتابعين على مواقع التواصل الاجتماعي عن دعمهم لقرارها، فهنأت كاتيا حركة زميلة زيزي في ستار أكاديمي المعتزلة، وكتبت على خاصية الستوري على صفحتها على انستقرام "مبروك خبر الاعتزال يا زيزي وما عند الله خير وأبقى".
وأظهر أحد المتابعين دعمه لزيزي في قرارها وكتب "كمحب لزيزي عادل من أيام ما كنت صغير لحد دلوقتي هفضل أدعمك مهما حصل".
وعلق أحد الفانز "احنا جمهور ومحبي زيزي عادل بندعمها، ربنا يثبتك ويوفقك".
وشاركت أخرى صورة زيزي بالحجاب وكتبت "الصوت الجميل أعلنت الاعتزال.. ربنا يثبتك ويوفقك يا رب".
وكانت زيزي عادل قد بدأت مشوارها الفني مع مشاركتها في الموسم الثاني من برنامج "ستار أكاديمي" في العام 2004 في لبنان، وتأهلت إلى نهائيات البرنامج مع هشام عبد الرحمن وأماني السويسي.
انضمت في العام 2007 إلى شركة روتانا وطرحت أول ألبوم بعنوان "واحدة طيبة"، أما الألبوم الثاني فكان بعنوان "وعد عليا".
في العام 2015 طرحت ألبوم "أنا أنثى" بعدما وقعت عقداً مع شركة عالم الفن محسن جابر وقنوات مزيكا.
أما آخر أعمالها فكانت أغنية "الرجالة" التي طرحتها في العام 2019، وطرحت منذ أيام ألبومها الديني الأول على قناتها على يوتيوب.
