كشف عمر كمال، في تصريحات خاصة لـ ET بالعربي عن تفاصيل أغنيته الجديدة "بحبك" التي غناها مؤخراً في عيد ميلاد ياسمين عبدالعزيز وحققت ردود أفعال كبيرة لدى الجمهور.
وقال عمر كمال، "أحمد العوضي كلمني وقالي عيد ميلاد ياسمين عامله وعازم الناس المقربين وأنت واحد من العيلة ولازم تحضر، قولتله انا عندي فكرة حلوة تعالى نعملها أغنية رومانسية حلوة وترقصوا عليها وعجبته جدا الأغنية وقالي خلاص نخليها مفاجأة لـ ياسمين".
وأضاف عمر، "زي ما الناس شافت الفيديو كان حاجة بسيطة جدا مش مرتبين ليها وحضرت الأغنية وغنتها وكانت لحظات صادقة جدا وصلت للناس وأحمد العوضي وياسمين عبدالعزيز من أنضف وأطيب الشخصيات اللي تعاملت معهم، والناس يمكن اتفاجأت بغنى رومانسي عشان متعوده عليا انى بغني مهرجانات، والفترة الجاية ممكن اغني اللون ده عشان عجب الناس".
