حرص أحمد الجنايني على تهنئة زوجته منة شلبي بعد النجاح الكبير الذي حققه مسلسل صحاب الأرض، والذي انتهى عرضه أمس ضمن سباق دراما رمضان.
وكتب الجنايني عبر حسابه رسالة مؤثرة قال فيها:"مبروك من قلبي، أنا حقيقي فخور بيكي، صحاب الأرض مش مجرد مسلسل ده عمل بيحكي قضية مهمة بصدق وشجاعة، عمل هيعيش سنين كتير، مبروك النجاح الكبير ومبروك على الأداء الصادق والقوي، وعلى اختيارك دايمًا للأعمال اللي ليها معنى وتأثير، ربنا يجازيكي على قد مجهودك وتعبك، وشكرًا على احترامك وإخلاصك في شغلك".
وأضاف:"دكتور بيتر إيه الحلاوة والجمال ده، قدرت توصل الإحساس لدرجة إني حسيت إني عايش معاناتهم وصمودهم، وعمر ما كان الإحساس ده هيوصل من غير مخرج وممثلين موهوبين جدًا ومؤمنين بالقضية اللي بيقدموها، وصورة وديكور وملابس خلّونا نحس إننا عايشين معاهم وموسيقى أكثر من رائعة، وكل ده ما كانش هيحصل من غير إنتاج قوي جدًا واقف ورا مشروع مهم زي ده، كل الشكر والتقدير لكل صُنّاع هذا العمل على تقديم قصة تستحق أن تُروى.. مبروك".
كما تفاعلت هند صبري مع المنشور، وعلّقت قائلة: "قوي قوي ربنا يحفظكم ويخليلنا منة النجمة المخلصة لشغلها".
يُذكر أن العمل من إخراج بيتر ميمي، ولاقى إشادات واسعة منذ عرض حلقاته الأولى، نظرًا لتناوله قضية إنسانية مهمة بأسلوب درامي مؤثر، وشارك في بطولته منة شلبي، إياد نصار، كامل الباشا، وعصام السقا، وعدد آخر من الفنانين.
