تذكر عدد من نجوم مصر أمس 12 نوفمبر 2024 الراحل محمود عبد العزيز بمناسبة مرور 8 سنوات على وفاته.
فقامت ليلى علوي بمشاركة صورة جمعتها بالراحل مع تعليق جاء فيه: "الذكرى السنوية الثامنة على رحيل العظيم محمود عبدالعزيز وحشتنا أوي أوي.. نسألكم الفاتحة والدعاء لروحه".
أما كريم محمود عبد العزيز فشارك صورة لوالده وكتب عليها: "8 سنين على أكتر يوم فارق في حياتي. الله يرحمك يا أبو الرجولة كلها".
أما محمد عبد العزيز فنشر صورة من أمام ضريح والده وكتب رسالة جاء فيها: "وحشتنى … بس كده جيت لحضرتك بدرى المرادى عشان عيد ميلاد تمارا هانم حفيدتك بكره ان شاء الله و انا متأكد ان حضرتك هاتبقى موجود معانا".
وأكمل قائلا: "الغريب أن المرادى لقيت حد مستنينى و بيسأل عليا بقاله يومين، عارف طلع مين؟ الراجل اللى اتكلمت عليه فى برنامج صاحبة السعاده اللى جالى و انا بصور فى بورسعيد و ادانى مصحف عشان اقرأ منه لحضرتك، طلع اسمه عم ابراهيم من بورسعيد جه لحضرتك مخصوص و فضل مستنينى عشان كان جايب هدية عشان عيد ميلاد تمارا، هاستأذن حضرتك هانزل صورتى معاه عشان اشكره على ذوقه".
وأكمل "احنا عايشين بحسك يا حاج و هانفضل كده احنا و ولادنا و ولاد ولادنا شكراً حبيبى و اخويا يوسف عادل، تسلم ايدك على البوستر العظيم ده أسألكم الفاتحه و الدعاء لأبويا و لكل من رحلوا عنا".
وكان محمود عبد العزيز قد توفي يوم ١٢ نوفمبر عام ٢٠١٨، عن عمر 70 عام متأثرا بأزمة صحية في أيامه الأخيرة.
