رحمة رياض وألكسندر علوم يستقبلان مولودهما الأول

شباب البومب 12 الحلقة 16 : قرنفلة و الطاقة و الجذب

فرق التوقيت يمنع لقاء ياسمين عبد العزيز وأحمد العوضي

نهايات مسلسلات رمضان الـ 15 حلقة ما بين الناجحة و المخيبة

شباب البومب 12 الحلقة 17 مع الشيخ راكان و كانتي

قصة مسلسل الشرار في رمضان 2024 وردود فعل الجمهور

فرح الهادي عن حملها بطفلها الثاني: أنا مو حامل

نجوى كرم في أمسية روحية تحدثت فيها عن رؤيتها السيد المسيح

رامز جاب من الآخر الحلقة 17: مواجهة مها أحمد و فادي خفاجة

إيلين ابنة المتصرف في حماية عبدو العربجي بـ الحلقة 16

باسم سمرة: الإنتاج السخي في منعطف خطر سبب رئيسي في نجاح المسلسل

ET بالعربي | 08 أكتوبر 2022
باسم سمرة في منعطف خطر

باسم سمرة في منعطف خطر

بداية من الطفل الذي بداخله ، تعاونه مع مروان حامد، إلى تجربته مؤخراً في مسلسل منعطف خطر، حديث مميز شاركه باسم سمره حول حياته الفنية والشخصية والذي حلّ ضيفًا على برنامج عباس أبو الحسن عبر اليوتيوب "حوارات مع عباس" .

تحدث باسم عن "الطفل الذي بداخله" ، معتبرًا أن على الفنان التعامل بحرص مع الطفل الذي بداخله كون موته يعني خسران عمله ومصداقيته.

كما تحدث باسم سمرة عن سعادته بالتعاون مع المخرج مروان حامد في أكثر من عمل فني حققت جميعها نجاحاً كبيراً قائلاً: "أنا عملتله أدوار حلوة منها دوري في عمارة يعقوبيان هو اللي أقنعني بيه وأشتغلنا بروفات عليه وعملنا نجاح مبهر وعملتله الفيلم القصير  "19/19" ورحنا بيه كان ودبى والفيلم ده مخدناش جنيه فيه كان أيام الثورة وكنا متوقعين أن بعد كده مش هيبقى فيه فن لما الأخوان يمسكوا وعملنا 10 أفلام ب10 مخرجين وشابوه لمروان حامد".

وقال عن حديثه الأخير عن ترند مروان حامد وأحمد السقا وتجربة ابراهيم الابيض : "مروان قعد معايا وقالي أن فيه مشهد خطر هنط فيه من الدور السادس أو السابع ده اللي شدني وبعدين عملوا الأكشن بيني وبين السقا والمشهد ده كان له طقس غريب أن أحنا رحنا يوم أحنا وكل الكاست والكاميرا مدارتش كبروفة وكان فيه ونش غريب وكان فيه يوم رحنا مثلنا وأبدعنا وكانت بروفة ومروان كان حريص عليا أن أحنا نعمل يومعلشان ميبقاش فيه مجال للخطر ففوجئت أن أحنا في وقت العرض بتليفون مروان حامد أن المشهد ده إتشال وأنا رايح أحضر العرض الخاص حقك أنك تشلني بس عرفني وأنا من حقي أتكلم بدل ما أعفن جوايا".

تجربة مسلسل منعطف خطر

كان باسم سمرة قد تصدر حديث الناس بأدائه الملفت والمتقن في "منعطف خطر" حيث شارك تجربته مع المسلسل مشيرًا أن "الورق و الإنتاج السخي و الاخراج وكاست العمل" هم العناصر الرئيسة لنجاح العمل : "دي أقل حاجة عندي علشان تعمل عمل مميز لازم يبقى فيه شوية عناصر لازم تبقى موجودة يبقى فيه ورق مميز ومخرج بيحبك وإنتاج سخي ويقدر يكفي المسلسل وأحنا كان معانا العناصر دي فكان معانا حدوتة حلوة ومخرج جميل أوي السدير مسعود والمنتج أول مرة أشتغل معاه ومعايا كاست عمل على أعلى ما يكون ريهام عبد الغفور وباسل خياط وحمزة العيلي والأستاذ أحمد ماهر حتى الأطفال وكان في إعتناء بالكاست فكان فيه شبه بيني وبين حمزة لما جابونا وأحنا صغيريين جابوا ناس شبهنا فده إعتناء وحب للشغلانة فده حمسني وأنت شايف ناس مهتمة فده بيوصل للناس وكان فيه أساتذة كبار بس أنا محتكتش بيهم".

أما عن الأطفال المشاركين فعلق على المشهد الذي تصدر الترند قائلًا : "الأطفال كانوا رائعين ففيه طفل عمل مشهد معايا رائع وأنا داخل أواسيه في أخته والصغير برضه مع أنه طفل صغير لكن شاطر والإعتناء بالتفاصيل بيطلع شغل حلو وأنك تقعد 18 ساعة بتشتغل وأنت مبسوط تعبان عاوز تنام وعاوز تاكل وعاوز حاجات كتير بس أنت مبسوط فدي حاجة بتفرق ودي بتحصل في أعمال قليلة".

كما تحدث عن العوامل التي جذبته إلى العمل كون منعطف خطر لم يتمحور حول جريمة قتل سلمى فقط انما طرح قضايا اجتماعية تمس الجميع خاصة حول علاقة الآباء بأبنائهم وتأثيرها على المدى الطويل: "اللي شدني علاقة الابن بأبوه وعلاقة البنت بأبوها في العصر اللي أحنا فيه ده بالنسبالي علاقة الكراكتر اللي أنا عملته ببنته هو بيحبها جدا ومش عاوزها تقع في الغلط وعاوز يديها فرصتها وتتعلم أحسن علام وفي نادي وهي عاوزة تسافر بره ولكنه رافض فهما رايحين مشتى مش مصيف علشان الناس بتتلغبط هما رايحين العين السخنة في الشتا والعين السخنة مشتى وهي عاوزة تسافر علشان حفلة فبيسيبها وأنه يسيبها ويسافر ومديها الثقة بس مخلي أخوه يراقبها".

وأضاف: "انت ممكن تلاقيني هنا تقليدي بس أنا مش تقليدي أنا شايف أن العصر اللي أحنا عايشين فيه ده اللي فيه السوشيال ميديا والعنف ده والإدمان ده وكل المغريات المادية والرومانسية فأنت كرب أسرة بدعوة التمدن والتحضر أنك تسيب ابنك أو بنتك أنا كباسم لأه وكنت في الشخصية معندوش الثقافة أنها تعرف أنها غلط فهو شايفها بتلعب البنت مغلطتش ولكن بقت منتشرة ومشهورة ولكن الرقابة للبنت والولد كساعتين في اليوم ده مهم علشان الموضوع وصل لإدمان".

علاقة باسم سمرة ببناته

فُتح نقاش علاقة باسم سمرة ببناته التي تحدث عن طبيعتها وبعدها عن ما يقدمه في الفن : "أنا وبناتي أصدقاء جدا وبيحبوني وأى حاجة بيجوا يقولولي وعلاقتي بيهم هما أخواتي وأصحابي وبخاف عليهم وهما بيدلعوني وأنا في التمثيل مش بجيب حاجات من حياتي الشخصية فببعد عن حياتي وببقى حيادي إني محكمش على الشخصية حتى لو جبت شخصية السفاح أنا ببدأ بشخصيته كبني أدم وإيه وصله لكده وممكن أعمله مبررات علشان ألعب الشخصية".

وعن الهجوم الذي يتعرض له أحياناُ والاتهامات ، علّق : "أنا واعي طبعاً وبتعرض لإنتقادات وإتهامات أني مش واعي الواعي ده هو اللي بيتكلم بصدق واللي مش واعي هو اللي بيتكلم بكذب" مشيرًا إلى أن التحدث بصدق أصبح وكأنه بقى عملة نادرة وأن السكوت لا يعني أن الشخص غير صادق. كما وضح ذلك بموقف عن اقتصار الكلام في البرامج لتصدر الترند قائلًا " كان عندي برنامج ساعتين أقتطفوا منه حاجات وتيجي تتكلم عن حاجة مضيقاك تبقى دي الترند دي السوشيال ميديا الصفرا مش عارف بيبحثوا عن فلوس ولا إيه ناس مريضة وخصوصا مدفوعة الأجر ولو غلطنا غلطة مفروض انت تنزلهالي ولو نزلتها تحولها لفلوس؟".