بعد الكثير من الأخذ والرد بسبب البوست الذي شاركته كاملة أبو ذكري عبر حسابها الشخصي على الفيسبوك، بسبب إنتقادها لإثنين من نجوم مسلسل "بـ 100 وش"، قامت بالإعتذار ببوست آخر وعادت وأقفلت حسابها على الفيسبوك.
ET بالعربي تواصل مع كاملة أبوذكري، حيث قالت "أنا بعتذر على القسوة اللي كتبت فيها البوست، بس كان من حبي فيهم وخوفي عليهم وتقديري لحجم الموهبة، يمكن كنت قاسية جداً بكلامي معاهم وكان من الممكن إني أوصل الكلام بس بطريقة أهدا، ويا ريت محدش فيهم يكون زعلان أنا بحترمهم جداً".
وعن إقفالها حسابها على الفيسبوك قالت كاملة، "أنا من الناس اللي إتأذيت من السوشيال ميديا، أنا قفلت الفيسبوك لأننا عايشين في عالم إفتراضي ناس بتدخل جوا حياتك بينتقدوك أو بيشتموك وإنت مش عارف شكلهم إيه، فأنا بقيت جزء من ده غصب عني، وإنفعلت على الفيسبوك وده الغلط، كان من الممكن أقولهم تعالوا عايزه أكلمكم".
وأضافت كاملة خلال حديثها مع ET بالعربي، "الموضوع خلص خالص كلمتهم وفهمتهم وجهة نظري، وهما فهموني وجهة نظرهم، هما هيستمروا بنجاح كبير، ويمكن إتحسدنا، لإن في أهل الشر اللي بيحبوا يهزوا ناس بعد نجاحهم، والتنين دول بحبهم جداً وموهبتهم هتفرضهم مش أي حاجة تانية".
وختمت كاملة، "محدش كبير على الإعتذار خالص أنا فعلاً كنت قاسية معاهم وضميري أنبني، علشان كده بعتذر منهم، وهما التنين دول بيعرفوا قد إيه مؤمنة بموهبتهم".
