رسالة من القلب شاركها تامر حسني مع جمهوره عبر فيسبوك حول الصلاة، من خلال موقف شخصي حصل معه وهو "قطعه للصلاة 100 مرة لغاية ما استقر ونجح في أن يواظب على صلاته بشمل منتظم."
بدأ رسالته بـ: "ده حصل معايا شخصياً أواظب و اقطع ميت مره لحد ما استقريت، مهما أخذ وقت ثوابك هيكون اكبر لانك بتجاهد نفسك و شيطانك عشان خاطر ربنا".
تامر الذي كان يتكلم لمتابعيه عن تجربته الشخصية شدّد على أنه يتحدث عن الأمر بعيداً عن كونه فنان وإنما يتكلم بصفته كإنسان.
وتابع " انا بقالي سنين يمكن من اكتر الناس اللي بتقرا في العالم في كل الاتجاهات انا فعلاً بصحى من النوم بثقف نفسي و كل حرف بعرفه و كل معنى جميل اعرفه بحب اوصله ليكم دي انسانيات عشان احنا كبشر اخوات لازم نقوي بعض".
الصدقة قوة خارقة
تامر لفت إلى أهمية الصدقة إلى جانب حديثه عن الصلاة قائلا "الصلاة و الصدقة بيمحوا السيئة و الصدقة بتطفئ غضب الرب"، مضيفًا "صدقوني في قوه خارقة في تأثير الصدقة و في كل ذنب عليكم بالناس البسطاء فرحوهم اوي".
وقال "ممكن في دعوة صادقة يمحوا ربنا كل ذنوب عمرك تخيلوا بقى … ده لو ميتنج مع مديرك و عارفين انه هيهزئنا بنروح جري طب تخيلوا مقابلة ربنا لدقايق بيرحمنا فيها و يسمع طلباتنا و عايزين ايه و يحقق لنا امنيات حلوة بمواعيده هو لعلمه المسبق بمصلحتنا و في امنيات بتتحقق فوراً لانها لمصلحتنا في الفور و كمان يشيل ذنوبنا".
وعن الأشخاص الذين لا يصلون قال "للي مش بيصلوا هما برضو في رحمته و بيرزقهم املاً في ان يرجعوله ده هو اللي خالقهم و برضو بيرحمهم لانه رحيم بكل عباده بس اللي بيصلوا و يتصدقوا دول في معزه اخرى خالص و ياما شوفنا ناس بتحارب الصلاه و دلوقتي بيصلوا و بقوا حاجه رائعه ناس بيشتغلوا و وسطيين عارفين يعيشوها صح بين الدنيا و الاخره".
وفي ختام منشوره الطويل دعا تامر الى اهتمام الشخص بـ ربه و صلاته و الصدقه و بر الوالدين وشغله وأصحابه فهناك 24 ساعة في اليوم كافية لذلك". اهتم بكل دول اليوم طويل 24 ساعه عيشهم صح يا صاحبي عادي والله في وقت و نص لكل دول".
