بعد الجدل الذي أحدثه حسن يوسف نتيجة تصريح متداول له اليوم على السوشيال ميديا حول أن القبلات على أيامه ما كانش ليها طعم وخالية من الإحساس وكنا بنتمضمض بعدها فما تعتبرش حرام" علّق على هذا الأمر من خلال اتصال مع ET بالعربي قائلًا " مش عاوز أتكلم بالموضوع ده ملوش لازمة".
"أنا مش شيخ أو مفتي علشان أقول حرام أو حلال"
تابع "أنا مش هقدر أقول حرام ولا حلال أنا مش شيخ أو مفتي علشان أقول حرام أو حلال، أنا بهزر معاه بقوله لا لون ولا طعم ولا رائحة زي المياه بالظبط حتى تدخل تتمضمض بعدها تلاقي نفس الطعم قالك تدخل تتمضمض علشان ده حلال ولا حرام وقال حاجة من عنده".
وعن رأيه في تقديم القبلات في الوقت الحالي في الأعمال الدرامية قال "أنا مش عاوز أتكلم في الموضوع ده موضوع مالوش لازمة يتسأل عنه أصحابه واللي بيأدوا نفس المشاهد".
أما عن رؤيته للفن إذا كان حلال أم حرام قال "أنا سمعت من الشيخ الشعراوي كنت قاعد معاه وبسأله قالي هي الكوباية اللي قدامنا دي بنشرب فيها ايه قولتله شاى فقال لي "لو حطينا بدل الشاي خمرة قلت له ده يبقى حرام فقال لي "ايه ذنب الكباية قالي الفن زي الكباية دي تقدم فيه حلال يبقى حلال وتقدم فيه حرام يبقى حرام يعني رأيي بسيط ومقنع جدا".
