بعد صلح رنا سماحة مع زوجها سامر أبو طالب، وجهت في اتصال مع ET بالعربي شكرها لكل الناس الذين كانوا يدعون لها ولزوجها بالخير.
وقالت "الحمدالله رب العالمين وزي ما كنت دائما بقول أن ما ينفعش الناس تعرف عننا إلا الحاجات الكويسة، والنهاردة الحمدالله رب العالمين ومن بعد ما بقينا كويسين اشكر كل الناس التي كانت تدعو لنا بالخير".
ووجهت رنا شكرها للناس الذين تدخلوا في حل الموضوع ومنهم من الوسط الفني، وخصّت بالشكر رامي صبري لأنه من أكثر الناس الذين كانوا مصممين أن يتم إصلاح الموضوع، كذلك الشاعر عوض بدوي لأنه حاول وتدخل لأن يصالحها مع زوجها". وختمت رنا حديثها قائلة "ادعولنا بالخير وربنا يهدلنا الأحوال".
وكان سامر وجه رسالة لرنا أو لـ(أم مالك) بعد أن تلد طفلهما قائلا "اولا الحمدلله ثانيا هقول الكلمتين الجايين دول لـ ( ام مالك ) مراتي و حبيبتي و ام ابني اللي اكتشفت في الفتره اللي فاتت دي اني ماقدرش اعيش من غيرها ولا حتى بكون مبسوط في اي حاجه حتى ابسط الاشياء هي لازم تكون فيها معايا بحبها اوي بجد يمكن كنت اوقات بعند بس اكتشفت اني فعلا ماينفعش اكون غير ليها و هي ماتنفعش تكون غير ليا ".
وردّت رنا عليه بدورها حيث أعادت نشر كلامه عبر إنستغرام، معلقة "الحمدلله يا حبيبي ربنا يخلينا لبعض يا رب ويخليك ليا ولمالك يا رب ويبعد عننا اي حاجة وحشة عيشنا فترة صعبة والحمدلله انها عدت مفيش بنا أسف يابو مالك بس عارف لو عملت كده تاني ربنا ميحرمناش من بعض ويحفظ بيتنا ويكبر ويعمر بوجودك وسطنا يا رب امين بحبك يا جوووووزي".
