بمناسبة عيد الحب، وجهت رضوى الشربيني أفكاراً للعزاب أو السناجل، وأوضحت فوائد عدم الارتباط للفتيات، وقالت "انت ما عندكيش أي نوع من أنواع الضغط النفسي. مافيش نكد، ما فيش دراما ما فيش خناقة..".
وتابعت "ما فيش مقارنات بينك وبين الأخريات وما لديهن.. أنت قاعدة أميرة واللي يتجوز يتجوز واللي يفسخ يفسخ..".
وأضافت "أكتر وقت حتقدري تعملي فيه فلوس وانت سنجل. كمان حتكوني صاحبة قرارك".
هذه التعليقات لم تعجب زوج منة عرفة محمود المهدي، وعلق على كلام رضوى الشربيني من خلال تعليق شاركه على خاصية الستوري وكتب "للأسف عشان فشلت في حياتها عايزة الكل زيها، مهو مش عيب اننا نفشل يمكن غلط بيكون من الطرف الأول أو الثاني".
وتابع "أنا فشلت في تجربتين ممكن أخطأت في حجات واحنا بشر ممكن بنتسرع وبنغلط بس مش معنى كده يبقى الحب فاشل، لا طبعاً ومتنسوش حواء اتخلقت من ضلع آدم مهما أنا جربت الوحدة والله صعبة واللي بقول غير كده بيكون مش عايز يبين لحد أو لحبيب قديم أو زوج أو زوجة بس بجد لم بتلاقي حد بيحبك ويكمل معاك حياتك هو اللي هيفضلك لا أخ ولا أهل ولا قريب ولا صاحب هيكون فاضيلك متسمعوش كلام فاشل زي ده".
وثمة من أيد وجهة نظر محمود وهناك من هاجمه واعتبر أن الموضوع لا يعنيه، فقام بتصوير فيديو أوضح فيه وجهة نظره وشاركه على حسابه على فيسبوك، وقال "في صحف كانت كاتبة ان أنا قلت رضوى الشربيني وعايزة البنات زيها تبقى فاشلة"، وثم شارك البوست بأكمله الذي تحدث فيه عن تجارب فاشلة مر بها هو نفسه ولكنه لم يستسلم.
واعتبر أن الفشل هو عدم المحاولة مجدداً في حال فشل الفرد في علاقة ما.
وتابع "ركزي ان انت واحدة أنثى لازم تبقي حنينة والرجل هو الرجل اللي بيتبهدل وبيحصلوا كل حاجة.. أنا بهاجمها لأنها بتنصح الشابات أنهم ما يتجوزوش أو في الجواز ما تخليهوش يتحكم ويعمل.. بسببها في بيوت خربت".
ولفت إلى أنها تؤثر على عقول الفتيات، وسأل لماذا لا يتم انتقادها؟
