نجوم ستار أكاديمي يجتمعون بعد 18 عاماً في برنامج "هذا مكانك"

جنيفر لوبيز تعرض قصرها الخيالي للبيع بـ42 مليون دولار

نغم طلال مداح تلتقي بشبيه والدها في كواليس "صوت الأرض"

ليلة طلالية بامتياز..النجوم يحتفون بـ طلال مداح في ليلة صوت الأرض

حسين نجار يحتل القلوب ويعيدنا إلى الزمن الجميل في ليلة صوت الأرض

الاستعدادات النهائية للنجوم قبل إنطلاق حفل ليلة صوت الأرض

خالد الصاوي ومايان السيد مع دنيا سمير غانم في رمضان

جونغكوك وV يحطمان الأرقام القياسية بأول لايف على انستقرام

تأثر ومشاعر دافئة... رسائل خاصة من النجوم بعد ليلة صوت الأرض

تركي آل الشيخ في ليلة صوت الأرض: نطمح في عمل يليق بـ طلال مداح

شيرين عبدالوهاب تعود إلى حسام حبيب "ده حب حياتي"

ET بالعربي | 11 نوفمبر 2022
 زواج شيرين عبدالوهاب و حسام حبيب من جديد

زواج شيرين عبدالوهاب و حسام حبيب من جديد

في أول ظهور إعلامي لـ شيرين عبد الوهاب ، أطلت شيرين في مكالمة هاتفية مع عمرو أديب طمأنت من خلالها المتابعين على حالتها الصحية بعد خروجها من المستشفى وفاجئتهم بخبر عودتها لحسام حبيب.

كتب كتاب شيرين وحسام

 

بدأت مكالمتها قائلة: "انا الحقيقة لازم ابقى لطيفة في المكالمة النهاردة، انا زي البومب في حد بيحبه ناس كتير كده وشعوب تقوم وتقعد وفاكرني، أنا سعيدة بيكم وبتدفى بيكم".

وأضافت في مداخلتها: "انا كويسة لسه بخضع لعلاجي النفسي اللي بخضعله من ساعة ما خلفت مريم وهنا، انا باين على صوتي اني مش محتاجة حاجة".

شيرين عبدالوهاب وعمرو أديب - صورة من السوشيال ميديا

وتوجهت بالشكر للناس قائلة: "أنا ممتنة جدا للناس عاوزة اقولهم انتم تعبتوا فيا وانا عمري ما هخذلكم ابدا، بشكر اللي قال كلمة حلوة واللي قال كلمة وحشة لانه ممكن يكون مضايق علشاني، قضيت ايام صعبة علشان اتاخدت على خوانة، انا لما صحيت تاني يوم في المستشفى قولت لنفسي انا قاعدة في مكان امين وباكل أحسن اكل وبنام أحسن نومة، وقولت ليه مستغلش ده في اني ابقى افضل، والناس كانوا مدلعني وبقيت احسن".

وشكرت شقيقها محمد عبد الوهاب لأنه عرفها على المستشفى "علشان علموني انام بدري وبصحى بدري"، كما تشكرت الصحافة والصحفيين وقالت: "من خلال برنامجك هشكر صحافة بلدي وبشكر صحافة الوطن العربي كله".


شيرين عبدالوهاب تسامح شقيقها محمد عبدالوهاب

وكشفت شيرين عبدالوهاب في المداخلة الهاتفية أنها سامحت شقيقها وأوضحت "هتنازل عن اي قضية ضد اخويا، علشان انا بسامح كل الناس وبخف كده، انا مش هرضى أن امي ترضى تنام معيطة على مخدتها بسبب أن ابنها وامها على خلاف".


شيرين عبدالوهاب وحسام حبيب زوجان مجدداً

ثم توجهت بعدها للجمهور لافتة أنها تحمل لهم خبراً سعيداً لهم، كاشفة أنها كتبت كتابها على حسام حبيب وعادت له مجدداً، وأضافت: "كتبنا الكتاب الساعة ٩ بليل بحضور المقربين".

شيرين عبدالوهاب وحسام حبيب

كما اعتذرت شيرين عبدالوهاب من حسام حبيب قائله: "بعتذر لحسام، وان كنت طلعت في يوم اتكلمت عنه احنا كان معمولنا حاجة كبيرة اوووي"، وعما إن كانت تقصد بذلك سحراً أجابت: "انا مقدرش اتكلم في الكلام ده، بس الحاجات دي مذكورة في القرآن، انا شيرين وغلطانة اني اتكلمت في العلن"، وأضافت: "سيدنا محمد الناس اختلفت عليه وهو طبعا هي، البشر في الدنيا والآخرة، قصتي كانت على المشاع بيني وبين عمرو".

حسام حبيب

وتابعت : "انا معرفش احب بسهولة وأكره بسهولة، ده حب حياتي، انا لسه بحبه، واقول للناس انا في أمان علشان انا وسطكم، حسام حبيب طيب جدا وهما ناس طيبين جدآ، وانا بوعد الناس كفاية أمور شخصية، وبوعدهم إني هقفل الصفحة دي خالص، وهغني احلى غنا".

ولفتت أن حسام حبيب هو من أقنعها، وأضافت: "والله القرار اتاخد علشان عارف الضغوطات" وأضافت: "ده احنا هننزل دلوقت نروح ناكل في احسن أماكن في الدنيا،انا مستاهلش اعيش غير في النور".


حسام حبيب مع شيرين عبدالوهاب

وكان لـ حسام حبيب أيضاً أن مداخلة في المكالمة الهاتفية، حيث رد على كل من أخذ موقفاً منه، وقال: "احنا زي اي اتنين في الدنيا وخناقتنا كلها هبلة وعبيطة، احنا بساط جدا وزي اي اتنين في الدنيا، احنا حطينا قواعد أن حياتنا تبقى مقفولة علينا، كل واحد فينا هيشرف التاني، وحياتنا بتاعتنا احنا بس، الناس اللي واخدة موقف مني اقولكم انا عاذركم علشان انا كمان بحبها زيكم".