خيم الحزن على فناني مصر بعد خروج المنتخب المصري من التصفيات النهائية المؤهلة لكأس العالم، وذلك بعد الخسارة بضربات الترجيح.
أول المعلقين على الخسارة كان عمرو أديب حيث كتب: "مش مكتوبالنا مش مصروفالنا حظنا من اسوأ ما يمكن او بمعنى ادق حظنا كان زفت ! عملتوا كل اللى تقدروا عليه مش عارف ااقلكوا ايه . راح الحلم للاسف راح . متضايق وتعبت جدا محدش يقولى مجرد ماتش كنا قريبين جدا بس راح مين يصدق اللى حصل. لو اتعاد ميت مره كنا كسبنا . حزين جدا".
وطالب رامي جمال برحيل مدرب المنتخب المصري وكتب عبر تويتر: "مش نهايه الكون ومش وقت نجيب اللوم علي اي حد هارد لك لمنتخبنا بس المكسب الوحيد ان المدرب الفاشل واختياراته الفاشله هيمشي والكبير هيفضل كبير جه وقت مدرب وطني".
أما حمزة نمرة فأشاد بلاعبين المنتخب المصري وكتب: "تحية للمنتخب المصري - لاعبين وطاقم فني - أديتم ما عليكم في مباراة صعبة جداً وضربات ترجيح دائماً زي رمي الزهر. تتعوض إن شاء الله وعينينا ع المستقبل.. ومبروك للسنغال ولكل المنتخبات العربية المتأهلة".
أما أنغام وأيتن عامر فتمنوا عودة لاعبين المنتخب المصري بخير وسلامة من السنغال وخاصة بعد أعمال الشغب التي تعرض لها اللاعبين والجمهور في السنغال وكتبت أنغام: "يارب تنجي منتخب مصر ويرجعوا بالسلامة مصر الحمدلله"، أما أيتن عامر فكتبت: "يا رب بس الجماهير المصرية و لعيبة المنتخب يرجعوا سُلام وسط هذا العبث اللى حاصل فى الإستاد".
