بعد أكثر من أسبوعين من وفاة صديقه مصطفى حفناوي، وبعد تداول صورته على العكاز والتي أثارت القلق خاصة أنه غائب عن السوشيال ميديا الفترة الحالية، ظهر عمرو راضي ليطمئن الناس عبر فيديو معلقاً : "كنت بطمن الناس إني كويس وشكر الله سعيكم ومجلكوش في حاجة وحشة خالص".
والواضح من الفيديو أن عمرو لم بتخطى حزنه أبداً فكتب كلمات للراحل قال فيها "مفيش حاجة ممكن توجع قلبي وتاخد روحي.. زي حزني عليك مع السلامه يا حبيبي، بس عايزك تعرف إني بشوفك في كل مكان.. وكل حاجه بتفكرني بيك.. وشك مبيفرقنيش مكانك جمبي في العربية.. كرسيك قدامي في القهوه.. الأكل اللي بنروحله.. الرغي قبل ما بننام.. كل الصور.. كل الأماكن.. كل البيوت.. كل الهزار.. كل التفكير في الماضي والمستقبل.. صحابنا.. كل حاجة بتفكرني بيك".
وتابع: "حقيقة أن جسمك فارقني الهروب منها صعب.. بس المستحيل الوحيد أن روحك تفارقني لحظة.. اتعودت عليك وعلى يومي معاك، فسبنا أهالينا وعشنا مع بعض.. رجعتني بيتي لوحدي زي العيل الصغير اللي تاه من أمه في سوق كبير مليان ناس.. فاكر كلامنا وفاكر أحلامنا وأوعدك هحققلك كل اللي كان نفسك فيه، وهشيل صورتك في كل خطوه زي ما شيلتك على كتفي.. وحشتني يا عشرتي وونسي".
