خبر حزين لكل متابعي غنى غندور على السوشال ميديا، شاركته بالساعات القليلة الماضية في حسابها على انستقرام، إذ كشفت عن إصابتها بـ سرطان الثدي.
ونشرت غنى مجموعة صور لها من على سرير المستشفى معلقة "دايماً تعودتوا على صوري أنو تنشر الفرح والإيجابية واليوم مارح يتغير شي رح ضل غنى القوية والمتفائلة بالحياة بالرغم من أنو بتاريخ 10 يوليو عرفت انو معي سرطان الثدي".
ولفتت غنى إلى أن الفترة المقبلة لن تكون سهلة عليها أو على عائلتها، مضيفة "بس ما تركت هل شي يمنعني اتغير وضليت غنى يلي تعرفتوا عليها يلي دائماً بتفكر انو بكرا احلى وقلت الحمد الله كنت محظوظة والله تلطف فيني واكتشفتوا بوقت مناسب".
وكان واضحاً في الصور التي شاركتها وقوف عائلتها إلى جانبها في هذه الفترة، وتقديم الدعم النفسي لها.
وكشفت غنى أن الهدف الرئيسي من المنشور هو توعية النساء، قائلة "اليوم وأنا طالعة من العملية وقبل ما بلش برحلة العلاج الطويلة، حبيت خبركم لشدد على أهمية التوعية لكل إمراة عن الفحص والكشف المبكر وشكراً لكل يلي محبين يلي ما تركوني، بحبكم".
