فاجأت لارا إسكندر جمهورها بالإعلان عن أنها رزقت بطفلة إطلقت عليها إسم K، وذلك من خلال غلاف مجلة ماري كلير العربية، التي ظهرت عليه وهي حامل.
لارا إسكندر التي تكتمت على خبر حملها إلى حين ولادتها، قالت من خلال بوست شاركته عبر حسابها الرسمي على الإنستغرام، "كانت سنة كلها أحداث غريبة وما كانتش سهلة على ناس كتير، وأنا واحدة منهم. بس في بدايات السنة اكتشفت إن ربنا بعتلي هدية و نعمة ملأتني بالأمل. كنت دائما عارفة إني مش هأعلن الخبر إلا في الوقت المناسب لأن ما فيش حاجة أكتر قدسية من إن إنسان صغير يكون بيكبر جواك. والوقت المناسب هو دلوقتي".
وأضافت لارا، "مش قادرة أشرح كم المشاعر اللي حاسة بيها، بس ممكن أقول إن قمة السعادة والفرح (مع شوية تعب وإرهاق) مش تعبيرات كافية لإحساسي دلوقتي"، وتابعت "دائما بحاول أشارككم أخباري على قد ما أقدر، بس دائما برضه باحرص على ان تكون في حدود ثابتة لما تكون الأخبار متعلقة بحياتي الشخصية وحياة عائلتي".
وختمت لارا، "ودلوقتي وأنا بابدأ حياتي الجديدة كأم، باسألكم إنكم تتفهموا إني هافضل متمسكة بالحدود دي ومتمسكة بخصوصية حياتي وحياة عائلتي وأتمنى انكم تتمنولنا السعادة في حياتنا الجديدة. أنا مبسوطة جدا إني بشارككم الخبر ده، حتى لو كان متأخر بـ 9 شهور". ووجهت لارا إسكندر رسالة إلى إبنتها K من خلال فيديو، شاركه الحساب الرسمي لمجلة ماري كلير العربية.
