خلال مشاركتهما في سحور Yves Saint Laurent بيوتي في دبي، كشف معتصم النهار وزوجته لين برنجكجي في لقاء خاص مع ET بالعربي، أجرى الحوار فيه إيلي نخلة، عن موقفهما من فكرة إنجاب طفل جديد، وتطرقا أيضاً إلى الجدل الذي رافق حديثهما السابق عن الطلاق والعودة.
الظهور جاء بعد أيام من إطلالة معتصم في برنامج السلم والثعبان الذي تقدمه ندى الشيباني على شاشة Dubai TV، حيث تحدث هناك بصراحة عن علاقته بلين، ومرحلة الانفصال والعودة، إضافة إلى موضوع إنجاب طفل ثانٍ.
معتصم النهار وزوجته لين يعلقان عبر ET بالعربي على فكرة إنجاب طفل جديد
"ما كان يخلص بقى.. كل حدا لازم يسألني عنه"
عن تكرار الأسئلة حول الطلاق والعودة، قال معتصم: "ما كان يخلص بقى، كل حدا لازم يسألني عنه". أما لين فاعتبرت أن الموضوع أخذ حجماً أكبر من اللازم، وقالت: "ما كنت بعرف وما عندي مشكلة بالموضوع بس بحسه أخذ أكبر من حجمه، يعني خلص إنه إتس تو ماتش". وحين سُئلت عن قرار العودة، أوضحت: "أكيد ما كان الواحد بيرجع لو ما القلب والعقل ما بعدوا بعض".
معتصم بدوره علّق على تصدّر الموضوع الترند في كل مرة يُذكر فيها: "الحمد لله، لأنه هو يعني دائماً السؤال عنه الهدف منه خير دائماً. نحن اليوم مع بعض عائلة واحدة؛ ساندرا، أنا ولين. فأنا ما بيزعجني السؤال فيه بس أنا بحس إنه إي خلص، يعني مر عليه وقت عرفت؟ فإنه لهيك أحياناً بتضايق لما بنسأل عنه".
"Now we are ready.. بس الله يريد"
وعن فكرة إنجاب طفل جديد، جاء السؤال مباشرة: “بده طفل. مستعدة؟” لين أجابت: "إن شاء الله إن شاء الله". وأضافت: "هو الموضوع يعني ما إنه كثير سهل، حدا هيك يفكر إنه بده دراسة، بده استقرار، بده رواء، بده واحد يكون جاهز لأنه بدها وقت القصة، now we are ready إن شاء الله بإذن الله بس الله يريد".
معتصم كشف أن الفكرة كانت مطروحة منذ سنوات، قائلاً: "أنت شايف اليوم يعني الحمد لله نحن الله رزقنا ساندرا وكنا فعلاً مفكرين بولد ثاني لساندرا مباشرة، بس ظروف الحرب بسوريا، ساندرا بالـ 2015 ونحن طلعنا من سوريا بنفس هذا الوقت تقريباً قعدنا بلبنان، كانت الظروف غير مستقرة أول فترة، ضغط الشغل، وضع بلادنا. فدائماً كان عنا تخوف إنه نجيب طفل ثاني على الحياة ويعني يمكن هو ما بده ما بنعرف يعني، فنحن نظلمه؟ ليش حتى نظلمه؟ فلا، هلق رجعنا عم نقول إنه يعني اللي الله شايفه واللي الله بده إياه وبنتكل على الله.”
