يبدو أن الألم الذي خلفه إنفجار مرفأ بيروت يوم 4 آب/أغسطس 2020 لا زال مستمر ويستذكره اللبنانيون رغم مرور 4 سنوات عليه.
اليوم ومع حلول الذكرى السنوية الرابعة لـ إنفجار 4 آب، انطلقت مسيرات في العاصمة اللبنانية بيروت، مطالبين بكشف حقيقة ما حصل، واستمرار التحقيق، وبالتزامن كان نجوم ومشاهير لبنان يعبرون عن حزنهم في هذا اليوم من خلال حساباتهم على السوشيال ميديا.
شاهدوا تقرير سابق في ET بالعربي
إليسا كتبت عبر منصة إكس، "وعد انو ما راح يمرق نهار وما نحكي فيه عن ٤ آب وعن يللي صار بأهلنا ومدينتنا. ما راح ننسى وما راح نسامح. الوجع كبير بس حبّنا لهالبلد بيبقى أكبر من كل شي. الله يحميك يا لبنان".
أما نانسي عجرم التي غنت بيروت الأنثى. فكتبت على اكس أيضاً، "كم إم اليوم عم تبكي عالسكت؟ كم عايلة تغيّرت حياتن للأبد؟ كم ولد تيتّم وصار وحيد؟ وكم جريح بعدو يمكن لهلق عم يعاني؟
كرمالن كلّن وكرمال الضحايا الأبريا اللي راحوا ب ٤ آب ما رح ننسى، العدالة لضحايا انفجار مرفأ بيروت".
من ناحيتها كتبت نجوى كرم، "كيف رح ننسى؟ وما فينا ابداً…بس لازم نكفّي ونكفّي، حتى يعرف الكلّ الكلّ، إنّو نحنا الشّعب الحيّ!! بيروت، نحن أبناء القيامة
لبنان عايش بقلب الله..".
دانييلا رحمة، "بكل سنة بذات اليوم والوقت، بيرجع ذات الوجع وكأنه علّم فينا ورافض يتركنا. متل اليوم وبلحظة خسرنا أكتر من ٢٠٠ شخص وتغيّرت حياتنا كلنا. كرمالنا وكرمالن رح نضل نطالب بالعدالة تنصفهن وساعتها بس القلب يمكن يشفى والوجع يمكن يخفّ”.
ماغي بوغصن عبرت عن حزنها في هذه الذكرى، حيث شاركت بوست على اكس كتبت فيه، "٤ سنين مرقوا على تاريخ ما رح ينساه كل لبناني. الله يرحم الشهدا اللي سقطوا متل هاليوم ويصبر أهلهم وناسهم. صار لازم عدالة الأرض تتحقّق.. صار لازم نعرف كل الحقيقة".
مصمم الأزياء اللبناني العالمي زهير مراد، شارك عبر ستوري إنستقرام، صوراً للدمار الذي حل في دار الأزياء الخاص به في وسط بيروت عام 2020.
جمهور نادين نسيب نجيم، شارك بالذكرى التي تعد ولادة جديدة لـ نادين كما صرحت سابقاً، حيث كانت من المتضررين جسدياً في الإنفجار لقرب منزلها من مرفأ بيروت، فكتبوا منشورات تتمنى لها السلامة والصحة والأمان دائماً عبر منصة إكس.
ومن النجوم والمشاهير الذي شاركوا حزنهم في الذكرى السنوية للانفجار، على السوشيال ميديا، عاصي الحلاني، مايا دياب، باميلا الكيك وغيرهم.
