احتفل مسلم بزفافه في القاهرة وسط حضور الأهل والأصدقاء من مطربي الاغنية الشعبية والمهرجانات، حيث إلتقى بهم ET بالعربي الذي تواجد في حفل الزفاف، وسألهم عن القرارات الأخيرة لـ هاني شاكر ونقابة الموسيقيين في مصر، سيف مجدي قال "هاني شاكر فنان كبير وعارف بيعمل ايه ويعرف ايه الصح، وأنا قدمت ورقي في النقابة من شهرين ومستني تحديد اللجنة للإمتحان".
عمر الكروان قال لـ ET بالعربي، "كل واحد له لونه الخاص وفي اغاني مينفعش تتغنى واللي بيغلط يتحاسب وفي ناس منهم مطلوبة وبحب هاني على المستوى الشخصي وأنا نقابي من زمان".
من ناحيته قال حمادة مجدي، "كلنا نحترم قرارات هاني شاكر وهو قيمة وبنسمع الكلام ونتقبل كلامه ونتمنى الحياة تمشي مع بيكا وشاكوش ودا مطرب خامة صوته حلوة اوي ونتمنى نرجع تاني وكلهم يشتغلوا".
أورتيجا قال لـ ET بالعربي "انا مع النقابة تمنع الحاجات زي الشتيمة والاسفاف علشان الاطفال، ومع هاني شاكر علشان في صالح المجتمع والجيل الجديد لازم يتخاف عليه".
أما أدهم سليمان، فقال عن قرارت النقابة وهاني شاكر "النقابة بتاعتي من اكتر من 6 سنين وبناشدهم ان الغنا اتغير فلازم نواكب العصر ولازم المطربين الجدد ياخدوا بالهم".
طارق الشيخ، قال "انا مش مع حد يوقف المطربين ولازم نقف مع الكويسين وربنا مع هاني شاكر وبقوله لو في حد بيغني كويس يسهل اجراءاته ومش لازم تكون القراية والكتابة عقبة".
