طمأنت وفاء عامر متابعيها بعدما تم التداول بأخبار حول وقوع حريق في منزلها، قالت وفاء عامر في حديث لقناة "الحدث اليوم": "بحب أطمأن المتابعين أنا ما عنديش حريقة، الحريقة كانت في بيت الجيران، وأنا لي لوم على كل اللي كتبوا ان الحريق في بيتي".
وتابعت معبرةّ عن استيائها "أنا ليّ محبين كتير أزعجتوهم وبجد أنا بعتذر بالنيابة عن الناس اللي كتبوا ان الحريق في البيت عندنا، هو عند جيراني وربنا ان شاء الله معاهم ويكون في عونهم".
وشكرت كل من ساهم في إخماد الحريق، وقالت "أنا بشكر كل الرجالة الجدعان اللي وقفوا في ضهر الحريق ده. لما يكون في حريق مش منظومة واحدة بتشتغل عليه يعني ناس كتير أوي مع بعض"، وأوضحت "الشرطة مع المرور مع قسم الشرطة والاسعاف، كل جهة من دي بتبقى متصلة بالتانية ويوسعوا لبعض الطريق، عشان يبقوا موجودين في أقل من عشر دقايق. ومش أنا اللي اتصلت، حارس العقار والأمن هم اللي تكلموا"، وشكرت منظومة الإطفاء في العاجوزة والدقي.
وأوضحت سبب الحريق في اتصال مع "مصر جديدة"، وقالت: "هم كانوا حاطين تلاجة فريزر في البلكونة، فامتدت الحريقة من البلكونة وبعدين دخلت على الستاير وعلى السجاجيد والناس كانوا محبوسين جوا البيت".
ولفتت إلى أن جزء من سيارة ابنها تهشم بسبب ما تتطاير عن شرفة الجيران الذين وقع الحريق في منزلهم.
وأشارت إلى أن الحريق اندلع صباحاً، وقد طلب منها حارس المبنى بأن تنزل من شقتها بسبب الحريق، وقالت "نزلت حافية وبالبيجاما، أهم حاجة اللي حواليكي، البواب قلعلي الشبشب بتاعه".
وكانت وفاء عامر قد شاركت بوست على صفحتها على انستغرام شكرت كل من ساهم في إخماد الحريق، وكتبت "شكراً جزيلاً يا رجالة يا جدعان مرور العجوزة والنجدة ومطافئ العجوزة ورجالة قسم الدقي سرعة الاستجابة والمعاملة عشمنا فيكم حريق في العمارة".
وبسبب هذا الحادث والأخبار التي إنتشرت عنه تصدرت وفاء عامر ترند غوغل في مصر.
