أكدت حورية فرغلي، في تصريح لـET بالعربي، عن سبب ظهورها في هذا الوقت تحديداً، وقالت "أنا مطلعتش واتكلمت، اللي حصل اني اليوم السابع كلموني وعملو معايا لقاء، وكنت صريحة وبس وقولت اللي جوايا"، وعن من سأل عنها من الوسط الفني، قالت "زملائي في الوسط الفني رانيا بنت محمود ياسين ولبلبة ومحمد الدسوقي ومحمد يونس واكرم فريد، وهعمل العملية أول ما أخد الفيزا لما السفارة الأميركية تفتح، واسافر اعملها وارجع احسن من الاول".
وأضافت حورية خلال حديثها مع ET بالعربي "تلفوني مبطلش رن كل الناس بتكلمني، واه طبعاً جالي شغل واتعرض عليا بس الكل قلي لبعد العملية علشان اقدر اصور، انا صحتي زي الفل مفيهاش حاجة هي مشكلة الشكل بس، يعني شكلي يرجع زي الاول، مقدرش اصور كده، وانشالله لما اعمل العملية هرجع احسن من الاول".
وختمت حورية "بقول لصحابي وزمايلي ميرسي عالي سأل عليا وكلمني وكل عام وانتم بخير، وبتمنالهم كل النجاح واي حد عنده مشروع يكسر الدنيا وانا بحبهم كلهم وفخورة فكل الناس اللي اشتغلت معاها وميرسي للي سأل عليا واللي مسألش بردو ميرسي".
