صورة لأحد المستشفيات شاركتها ناهد السباعي مع رسالة منها عن حالتها الصحية تسببت ببعض القلق لمتابعيها وتعليقات من النجوم أيضًا، ومنهم أحمد السعدني وأحمد جمال سعيد. وللاطمئنان على صحتها ومعرفة تفاصيل حالتها الصحية، تواصل ET بالعربي" مع ناهد والتي أكدت أنها في منزلها وتحسنت كثيراً، كما طمأنت جمهورها وشكرت جميع من سأل عنها، وقام بالإطمئنان عليها.
وكانت ناهد قد وجهت رسالة شكر قالت فيها: "مستشفي على اعلى مستوي من المهارة و الكفاءه والخبره و الضمير.... من حوالي اسبوع تعبت جدا وجع شديد يشبه وجع انفجار الزايده و المرارة روحت اقرب مستشفي كشفوا عليا و عالجوني و ادوني محاليل و ادوية غلط و روحوني البيت فضلت تعبانة و سخنت احساس صعب قوي انك تبقي موجوع و تعبان و محدش عارف عندك ايه روحت لدكتور سمير چورچ دكتور باطنة بعتني فورًا لمستشفي السلام لدكتور ماهر ويليم دكتور جراح و رغم انه دكتور جراح لكن لا يفضل الجراحة و بيخليها اخر حاجة بعد ما يعمل كل المحاولات اما بالنسبة لطاقم التمريض فهم علي اعلي مستوي من الكفاءة و الخبرة شكرًا دكتور الباطنه سمير چورچ احسن دكتور باطنة في مصر بفضل الله الشافي و فضلكم انا احسن دلوقتي الحمد لله كثيرًا ".
